થાણેમાં વીસમા માળેથી પડેલા કાચબાના મૃત્યુ માટે માલિક સામે ફરિયાદ નોંધવાની માગણી

થાણેમાં આવેલા માજીવાડાના એક હાઇરાઇઝ બિલ્ડિંગના ૨૦મા ફ્લોર પરથી નીચે પડતાં એક કાચબાનું મૃત્યુ થયું હતું.

પ્રતીકાત્મક તસવીર - મિડ-ડે

થાણેમાં આવેલા માજીવાડાના એક હાઇરાઇઝ બિલ્ડિંગના ૨૦મા ફ્લોર પરથી નીચે પડતાં એક કાચબાનું મૃત્યુ થયું હતું. એ વખતના બનાવના ફોટો થાણેના અમ્મા કૅર ફાઉન્ડેશન અને પ્લાન્ટ ઍન્ડ ઍનિમલ્સ વેલ્ફેર સોસાયટીને મળ્યા હતા. તેમની ફરિયાદના આધારે કાચબાના માલિક સામે ગુનો નોંધીને તપાસ હાથ ધરવામાં આવી છે. આ બન્ને સંસ્થા અને પશુ કલ્યાણ બોર્ડ ઑફ ઇન્ડિયાના માનદ પશુ કલ્યાણ અધિકારી સુનિષ કુંજુએ ડેપ્યુટી કમિશનર ઑફ પોલીસ ઝોન-૫ અને સ્થાનિક પોલીસને લેખિત ફરિયાદ કરી છે. પોલીસને ફરિયાદ કરેલા પત્રમાં આ સંદર્ભે એફઆઇઆર નોંધાય એવી માગણી કરી છે તેમ જ કાચબાના ફોટોગ્રાફ સહિત અન્ય માહિતી પણ પોલીસને સોંપવામાં આવી છે. જોકે એના માલિકે દાવો કર્યો ન હોવાથી કાચબાના મૃતદેહનો સોસાયટીના વૉચમૅન દ્વારા નિકાલ કરાયો હતો. બનાવની ફરિયાદ બાદ કાપૂરબાવડી પોલીસ સ્ટેશનની એક ટીમ ઘટનાસ્થળે આવી હતી અને તપાસ કરીને એફઆઇઆર પ‌ણ નોંધવામાં આવ્યો છે.