15 November, 2019 08:53 AM IST | Mumbai
નીતિન ગડકરી
મહારાષ્ટ્રમાં સત્તા સ્થાપનાની ગૂંચ ઉકેલાઈ નથી એવામાં કેન્દ્રના પ્રધાન નીતિન ગડકરીના એક નિવેદનથી રાજકીય વર્તુળોમાં ચર્ચાઓ શરૂ થઈ છે. નીતિન ગડકરીએ જણાવ્યું હતું કે ‘હારવાની શક્યતા જણાતી હોય એવી મૅચ પણ જીતી શકાય છે.’
સંજય રાઉત દ્વારા કરાયેલી વડા પ્રધાન નરેન્દ્ર મોદીની ભારોભાર પ્રશંસા અને હવે ગડકરીનું નિવેદન એવા સંકેતો આપે છે કે મહારાષ્ટ્રના રાજકારણમાં કશુંક અજૂગતું થવાની શક્યતાઓ ફરીથી આકાર પામી રહી છે.
દરમ્યાન આધારભૂત સૂત્રોએ જણાવ્યા પ્રમાણે ભૂતપૂર્વ મુખ્ય પ્રધાન દેવેન્દ્ર ફડણવીસે કહ્યું હતું કે રાજ્યમાં બીજેપી સિવાય બીજી કોઈ સરકાર સત્તા પર આવી ન શકે. તેમના આ વિધાન પરથી રાજ્યમાં સત્તા સ્થાપના માટે બીજેપી સક્રિય થવાનાં એંધાણ વર્તાઈ રહ્યાં છે.