શિયાળુ આવતા સ્થળાંતરિત પક્ષીઓ સુરત આવ્યા

શિયાળુ આવતા સ્થળાંતરિત પક્ષીઓ સુરત આવ્યા

તસવીર સૌજન્યઃ એએનઆઈ

ગુજરાતમાં શિયાળાએ જોર પકડતા સ્થળાંતરિત પક્ષીઓ સુરતમાં આવવા લાગ્યા છે. ચોકલેટી રંગના દેખાતા પક્ષીઓને જોવાનો અનેરો લહાવો છે. આ મહામારીના વર્ષમાં ગુજરાત, મહારાષ્ટ્ર અને કેરળના તટીય વિસ્તારમાં વિવિધ પ્રકારના સ્થળાંતરિત પક્ષીઓ જોવા મળ્યા છે.

આ વર્ષની શરૂઆતમાં ગુજરાત સરકારે કહ્યું હતું કે, રાજ્યમાં સ્થળાંતરિત પક્ષીઓના આગમનમાં નોંધપાત્ર વધારો નોંધાયો છે. ગુજરાતનો તટીય વિસ્તાર 1650 કિલોમીટર લાંબો છે.

ચોકલેટી રંગના આ નાના પક્ષી એશિયાના મધ્ય ભાગમાંથી આવ્યા હોવાનું કહેવાય છે. દર વર્ષે શિયાળામાં સમુદ્રના માર્ગે આ પક્ષીઓ ગુજરાતના તટીય વિસ્તારમાં આવે છે.

રિપોર્ટ મુજબ ગુજરાત વન વિભાગે કહ્યું કે, નલ સરોવર અને થોલ બર્ડ અભિયારણમાં આ પક્ષીઓની સંખ્યા નોંધપાત્ર વધી છે.

બોમ્બે નેચરલ હિસ્ટ્રી સોસાયટીના કહેવા પ્રમાણે ગયા વર્ષની સરખામણીએ આ વર્ષે ફ્લેમિંગો પણ 25 ટકા વધ્યા છે. આ વર્ષે એપ્રિલ મહિનાના પહેલા અઠવાડિયામાં જ 1.5 લાખ પક્ષીઓ આવ્યા છે.