16 August, 2019 08:43 PM IST |
મુખ્યપ્રધાન વિજય રૂપાણી 16 અને 17 ઓગસ્ટ ના બે દિવસ કેવડિયાની મુલાકાતે છે. ભારે વરસાદને કારણે કેવડિયામાં ઝીરો વિઝિબિલિટિ છે, ઝીરો વિઝિબિલિટીને કારણે મુખ્યપ્રધાન વિજય રૂપાણીના હેલિકોપ્ટર કેવડિયા જવા માટે પરવાનગી આપવામાં આવી નથી જેના કારણે વડોદરામાં હેલિકોપ્ટર ઉતારવામાં આવ્યું છે. વિજય રૂપાણી કેવડિયા હેલિકોપ્ટરની જગ્યાએ રોડ દ્વારા થશે. પીએમ મોદીના આગમન પહેલા તૈયારી અને સુરક્ષા અંગે અધિકારીઓ સાથે બેઠક કરશે.
PM મોદી બે વાર લેશે કેવડિયાની મુલાકાત
પીએમ મોદી 15 સપ્ટેમ્બરે કેવડિયાના મહેમાન બનશે. કેવડિયા ખાતે આગામી 13, 14 અને 15 સપ્ટેમ્બર વિદેશ નીતિને લઇને રાષ્ટ્રીય કક્ષાની બેઠક યોજાનાર છે. આ બેઠકમાં પીએમ મોદી હાજરી આપશે. પીએમ મોદી 31 ઓક્ટોબરે કેવડિયાની મુલાકાત બીજી વાર લેશે. આ મુલાકાત દરમિયાન વડાપ્રધાન અલગ અલગ પોજેક્ટ્સનુ લોકાર્પણ કરશે. પીએમ મોદીના આવવા પહેલા મુખ્યપ્રધાન વિજય રૂપાણી કેવડિયા પહોચી રહ્યા છે અને અધિકારીઓ સાથે બેઠક કરશે
મુખ્યપ્રધાન વિજય રૂપાણી શનિવારે સવારે 8.30 કલાકે કેવડિયા કોલોનીમાં જુદા જુદા પ્રોજેક્ટ સ્થળની મુલાકાત લેશે અને બાકી કામગીરી અંગે જાણકારી મેળવશે. મુખ્યપ્રધાન અધિકારીઓ સાથે જરૂરી સમીક્ષા બેઠક યોજશે. ત્યારબાદ બપોરે વડોદરા એરપોર્ટ પરત ફરશે.