06 February, 2020 08:13 PM IST | Mumbai Desk
નાનપુરા વિસ્તારમાં સ્કૂલનાં બાળકોને લઈને જતી રિક્ષા બંધ થઈ ગઈ હતી. બાદમાં બાળકો પાસે રિક્ષાના ડ્રાઇવરે રિક્ષામાં અમુક બાળકો સાથે બેસી રહીને ધક્કો મરાવ્યો હોય એવો વિડિયો સામે આવ્યો છે. ખાનગી શાળાના વિદ્યાર્થીઓ પાસે રિક્ષાને ધક્કો મરાવતા વિડિયોને લઈને સોશ્યલ મીડિયામાં ડ્રાઇવર સામે ઘેરા પ્રત્યાઘાતો પડ્યા છે.
આ અંગે આરટીઓનાં સૂત્રોએ જણાવ્યું હતું કે રિક્ષા નંબર જીજે ૫ એવાય ૪૩૦૦ના ડ્રાઇવર સામે નિયમો અનુસાર પગલાં લેવામાં આવશે. જોકે આ બાબતે વાલીઓએ પણ ધ્યાન રાખવું જોઈએ એવી કમેન્ટ સોશ્યલ મીડિયા પર આવી હતી. બાળકો પાસે રિક્ષાને ધક્કા મરાવવા યોગ્ય ન હોઈ આવા ચાલકોની રિક્ષામાં બાળકો ન મોકલવા સોશ્યલ મીડિયા પર કમેન્ટ આવી હતી.