22 January, 2019 08:53 PM IST |
LRDની પરીક્ષા રદ્દ કરવાની માંગ(તસવીરમાંઃ પેપર લીક કરનાર આરોપીઓ)
ગુજરાતમાં લોક રક્ષક દળની પરીક્ષાનું પેપર લીક થતા થયેલા વિવાદ બાદ હવે પરીક્ષાને રદ કરવાની અરજી કરવામાં આવી છે. ડિસેમ્બરમાં થનારી લોક રક્ષક દળની પરીક્ષાનું પેપર ફૂટી જતા તે પરીક્ષા જાન્યુઆરીમાં ફરીથી લેવામાં આવી હતી. અને હવે કેટલાક ઉમેદવારોએ હાઈકોર્ટમાં પરીક્ષા રદ કરવાની અરજી કરી છે.
ઉમેદવારોએ કરેલી અરજીમાં એવો આરોપ મુકવામાં આવ્યો છે કે તેમને જાન્યુઆરીમાં લેવામાં આવેલી પરીક્ષામાં પેપર અધુરું આપવામાં આવ્યું હતું. તો કેટલાક વિદ્યાર્થીઓનો તો એવો પણ આરોપ છે કે તેમના પેપર પર બારકોડ જ નહોતી લગાવવામાં આવ્યા. જેથી આ પરીક્ષા રદ કરવામાં આવે.