21 February, 2021 11:39 AM IST | Modasa | Gujarati Mid-day Correspondent
પ્રતીકાત્મક તસવીર
પોલીસ સ્ટેશનમાં ૭૦ કરતાં વધુ શરાબની બોટલ્સ છુપાવવા બદલ ગુજરાતના અરવલ્લી જિલ્લાના મોડાસામાં સ્થાનિક ક્રાઇમ બ્રાન્ચના એક પોલીસ ઇન્સ્પેક્ટર અને ત્રણ કૉન્સ્ટેબલ વિરુદ્ધ એફઆઇઆર નોંધવામાં આવ્યો હોવાનું અધિકારીઓએ જણાવ્યું હતું.
શરાબની વધુ ૧૨૦ બોટલ લઈને આવી રહેલા બે કૉન્સ્ટેબલનાં વાહનનો અકસ્માત થતાં આ આખું પ્રકરણ પ્રકાશમાં આવ્યું હોવાનું એસપી સંજય ખરાટે શુક્રવારે જણાવ્યું હતું. ઇમરાન શેખ અને પ્રમોદ પંડ્યા નામના બે કૉન્સ્ટેબલની શુક્રવારે મોડેથી ધરપકડ કરવામાં આવી હતી.