અમદાવાદને બેસ્ટ સ્માર્ટ સિટી અને કૉમન કાર્ડ પેમેન્ટ સિસ્ટમનો અવૉર્ડ

અમદાવાદને બેસ્ટ સ્માર્ટ સિટી અને કૉમન કાર્ડ પેમેન્ટ સિસ્ટમનો અવૉર્ડ

અવૉર્ડ સ્વીકારી રહેલાં અમદાવાદનાં મેયર બિજલ પટેલ

શુક્રવારે નવી દિલ્હીમાં ઇકૉનૉમિક ટાઇમ્સ ગ્લોબલ સ્માર્ટ સિટીઝ ઇન્ડિયા અવૉર્ડ – ૨૦૧૯ના સમારોહમાં ભારત દેશનાં ૧૦૦ સ્માર્ટ સિટીઝ પૈકી અમદાવાદ શહેરને બેસ્ટ સ્માર્ટ સિટી તથા કૉમન કાર્ડ પેમેન્ટ સિસ્ટમનો અવૉર્ડ મળ્યો છે. અમદાવાદનાં મેયર બિજલ પટેલે આ અવૉર્ડ સ્વીકાર્યો હતો.
વિવિધ પ્રોજેક્ટ્સના ઝડપી અને સુચારુ અમલીકરણને કારણે સ્માર્ટ સિટી મિશન દ્વારા જે-તે સ્માર્ટ સિટીના રૅન્કિંગ મેથોડોલૉજી દ્વારા રૅન્ક આપવામાં આવે છે.ઉલ્લેખનીય છે કે સ્માર્ટ સિટી મિશન હેઠળ ભારત સરકાર દ્વારા ૧૦૦ શહેરોની જાહેર કરેલી યાદીમાં ગુજરાતનાં ૬ શહેરોમાં અમદાવાદ શહેરનો સમાવેશ છે.