23 July, 2019 07:47 PM IST |
કિંજલ દવેએ ધારણ કર્યો ભગવો
જાણીતી લોક કલાકાર ગાયિકા 'ચાર ચાર બંગડી...' થી ફેમસ થયેલી કિંજલ દવેએ કેસરિયો ધારણ કર્યો છે અને ભાજપમાં જોડાઈ છે. મળતી માહિતી અનુસાર ગાંધીનગર ખાતે આવેલા ભાજપના પ્રદેશ કાર્યાલય કમલમમાં ગુજરાતી લોક ગાયિકા કિંજલ દવે પહોંચ્યા હતા. જ્યાં ભાજપ પ્રદેશ પ્રવક્તા ભરત પંડ્યા અને પ્રદેશ પ્રમુખ જીતી વાઘાણીને મળ્યા હતાં . ભાજપના પ્રદેશ પ્રમુખ જીતુ વાઘાણીએ કિંજલ દવેને કેસરિયો ખેસ પહેરાવી ભાજપમાં તેમનું સ્વાગત કર્યું છે. આ ઉપરાંત જીતુ વાઘાણીએ કિંજલ દવેને ભાજપમાં જોડાવા બદલ અભિનંદન પણ પાઠવ્યા હતા.
કિંજલ દવેએ જોડાયા પછી સોશિયલ મીડિયા પર ફોટોઝ શૅર કર્યા હતા અને લખ્યું હતું કે, કમળ અને વડાપ્રધાન આદરણીય શ્રી નરેન્દ્રભાઈ મોદી હંમેશાથી જ દેશની 125 કરોડ જનતાના હૃદયમાં છે ત્યારે ભાજપના સદસ્યતા અભિયાન હું કિંજલ દવે આજે શ્રી કમલમ ખાતે ગુજરાતના પ્રદેશ પ્રમુખ શ્રી જીતુભાઈ વાઘાણીના હાથે ભાજપનો ખેસ ધારણ કરી મારુ સભ્યપદ સદસ્યતા અભિયાનમાં નોંધાયું છે હું પ્રદેશ પ્રમુખ શ્રી જીતુભાઈ વાઘાણી તેમજ આદરણીય શ્રી ભરતભાઇ પંડયાનો આભાર માનું છું તેમજ ભારતીય જનતા પાર્ટીની કાર્યશૈલીથી પ્રભાવિત તમામ મારા ચાહકો અને મિત્રો ને આ સદસ્યતા અભિયાનમાં જોડાવા માટે આગ્રહ કરું છું. ગુજરાતી લેરી લાલા ના આશીર્વાદ હંમેશા અમારી પર રહે તેવી આશા સાથે ધન્યવાદ.