કચ્છના માંડવી તાલુકાના મસ્કા ગામે દીકરીના જન્મની ઉજવણી

છાબ લઈને વિધાનસભ્ય તેના ઘરે પહોંચ્યા અને વધામણાંની કિટ આપી

વિધાનસભ્ય અનિરુદ્ધ દવે હાથમાં છાબ લઈને વાજતે-ગાજતે દીકરીના ઘરે ગયા હતા.

ગુજરાતના કચ્છમાં આવેલા માંડવી તાલુકાના મસ્કા ગામે દીકરીનો જન્મ થતાં એની ઉજવણી કરવામાં આવી હતી. વિધાનસભ્ય અનિરુદ્ધ દવે નવજાત દીકરીના ઘરે વાજતે-ગાજતે છાબ લઈને ગયા હતા અને તેના ઘરે દરવાજા પર આસોપાલવનું તોરણ બાંધ્યું હતુ. આ ઉપરાંત દીકરીનું કંકુ-ચોખા વડે પૂજન કરીને, તેને વધાવીને પરિવારજનોને શુભકામના આપી હતી. નવજાત દીકરી માટે ખાસ દીકરી-વધામણાં કિટ આપવામાં આવી હતી. દીકરી બચાવીએ, દીકરી ભણાવીએ અને દીકરીને ગૌરવભેર વધાવીએ એવા મેસેજ સાથે યોજાયેલો આ દીકરી જન્મોત્સવ સમાજ માટે પ્રેરણાદાયી પહેલ બની રહ્યો હતો.