12 January, 2019 02:11 PM IST |
બાઇક અને જીપ અકસ્માતમાં 2ના મોત
વડોદરામાં એક અકસ્માતે બે વ્યક્તિઓનો ભોગ લીધો છે. સાવલી-પોઈચા માર્ગ પર કાર અને તૂફાન વચ્ચે થયેલા અકસ્માતમાં બે યુવકોના મોત નીપજ્યા છે. મળતી માહિતી પ્રમાણે આ અકસ્માત વહેલી સવારે થયો હતો.
બાઈકસવાર બંને યુવકો સાવલીની મંજુસર ઔદ્યોગિક વસાહતમાં નોકરી માટે જઈ રહ્યા હતા. પરંતુ રસ્તામાં આ ગમખ્વાર અકસ્માતમાં બંને યુવકોના મોત નીપજ્યા છે. બન્ને યુવકોના મૃત્યુને કારણે સ્થાનિક વિસ્તારમાં ભારે અરેરાટી વ્યાપી ગઈ હતી.
આ પણ વાંચો : અમદાવાદમાં BRTS સાથે કાર અને એક્ટિવાનો અકસ્માત, બેનાં મોત
અકસ્માતની જાણ થયા બાદ સ્થાનિક પોલીસે ઘટનાસ્થળે પહોંચી મામલો હાથમાં લીધો હતો. પોલીસે અકસ્માતે મોતનો ગુનો નોંધીને વધુ તપાસ હાથ ધરી છે.