08 May, 2019 10:21 AM IST | અમદાવાદ
અમદાવાદને પ્લાસ્ટિક મુક્ત બનાવવાનો પ્રયાસ
શહેરને પ્લાસ્ટિક ફ્રી બનાવવા માટે અમદાવાદ મનપા તમામ પ્રયાસો કરી રહી છે. શહેરના નોર્થ ઝોનમાં મંગળવારે મનપાની ટીમે ચેકિંગ હાથ ધર્યું. આ ચેકિંગ દરમિયાન વેપારીઓને ત્યાંથી 100 કિલો જેટલું સિંગલ યુઝ ડિસ્પોઝેબલ પ્લાસ્ટિક જપ્ત કરવામાં આવ્યું.
પ્લાસ્ટિક પર્યાવરણ માટે હાનિકારક છે. અને તેનો ઉપયોગ ઓછામાં ઓછો થાય તે માટે મનપા તમામ પ્રયાસો કરી રહી છે. જેના માટે તેમણે દુકાનોમાં સરપ્રાઈઝ ચેકિંગ પણ હાથ ધર્યું. કાલુપુર, રેવડી બજાર અને દિલ્હી દરવાજામાં તપાસ દરમિયાન મોટા પ્રમાણે પ્લાસ્ટિક મળી આવતા તેને જપ્ત કરવામાં આવ્યું હતું.