31 March, 2019 02:32 PM IST |
ભાજપ અધ્યક્ષ અમિત શાહે રોડ શો કરીને ફોર્મ ભર્યા બાદ હવે ભાજપે વધુ ચાર બેઠકો પર ઉમેદવારોના નામ જાહેર કર્યા છે. ગુજરાતની ચાર લોકસભા બેઠક માટે ઉમેદવારોના નામ જાહેર કર્યા છે. ભાજપે જૂનાગઢ, આણંદ, પાટણ, અને છોટાઉદેપુરની બેઠકો માટે ઉમેદવારોના નામ જાહેર કર્યા છે. ભાજપે જૂનાગઢ બેઠક પરથી રાજેશ ચુડાસમાને સરિપીટ કર્યા છે.
તો આણંદથી મિતેષ પટેલ, પાટણથી ભરતસિંહ ડાભી, છોટાઉદેપુરથી ગીતાબેન રાઠવાને ઉમેદવાર બનાવ્યા છે. સાથે જ ભાજપે તાલાળા બેઠકની પેટા ચૂંટણી માટે ભાજપે જસા બારડને ટિકિટ આપી છે.
ઉલ્લેખનીય છે કે તાલાળાની પેટા ચૂંટણી માટે પણ 23 એપ્રિલે જ મતદાન થશે. આ બેઠક પરથી કોંગ્રેસના ધારાસભ્ય ભગવાન બારડ ગેરલાયક ઠરતા ચૂંટણી યોજાઈ રહી છે.
આ પણ વાંચોઃ અમદાવાદમાં અમિત શાહનો મેગા રોડ શો, જુઓ તસવીરો