23 November, 2021 07:34 PM IST | Mumbai | Dr. Mukul Choksi
પ્રતીકાત્મક તસવીર
મારી ઉંમર ૩૧ વર્ષની છે અને મૅરેજને ત્રણ વર્ષ થયાં છે. અમારું વન બીએચકે ઘર છે. લૉકડાઉનમાં ફૅમિલીના બધા મેમ્બર્સ વતન ચાલ્યા ગયા એટલે અમને પૂરતી આઝાદી હતી, જેનો અમે ઇન્ટિમેટ રિલેશનમાં પૂરો લાભ લીધો. જોકે હવે બધા પાછા આવી ગયા છે, જેને લીધે અમને જરા પણ છૂટ નથી મળતી. રૂમમાં પુરુષો સૂએ છે અને હૉલ-કિચનમાં હું, મારાં સાસુ, જેઠાણી અને નણંદ સૂઈએ છીએ. રાતે મને સેક્સનું બહુ મન થાય છે. મારાં જેઠાણીની પણ એવી જ હાલત હતી, જેને લીધે અનાયાસ તે મારી સાથે છૂટ લેવા માંડ્યાં અને મને પણ મજા આવવા માંડી. ફિંગરિંગ અને બ્રેસ્ટ-પ્રેસિંગથી હું એક્સાઇટ થતી અને પછી તે મારી પાસે પણ એવું કરાવતાં હું પણ કરવા માંડી. મને બીક છે કે અમારી ફૅમિલીમાં આ ખબર પડશે તો બેઉની મૅરેજ લાઇફ ખરાબ થશે.
કાંદિવલીની રહેવાસી
અટકવું અને વહેલી તકે અટકવું. તમે બાયસેક્સ્યુઅલ રિલેશનમાં આગળ વધી જશો તો તમને કે તમારાં જેઠાણીને રોકવાનું કામ અઘરું થઈ જશે. બહેતર છે કે વહેલી તકે તમે અટકો. તમે ક્યાંય લેસ્બિયન નથી કે તમારી એવી કોઈ ઇચ્છા પણ નથી, પણ આ બધું તમને સેક્સ ન મળવાના કારણે અને તમારા મનમાં સેક્સની તીવ્ર ઇચ્છા જાગવાના કારણે બન્યું છે એટલે એમાં શારીરિક જરૂરિયાત કરતાં પણ સંજોગોએ મહત્ત્વનો રોલ ભજવ્યો છે. જો તમને આજે પણ તમારા હસબન્ડ સાથે ઇન્ટિમેટ રિલેશન બાંધવા મળે તો તમે ખુશ છો તો પછી શું કામ લેસ્બિયન રિલેશનને આગળ વધારવા.
રહી વાત સંકડાશની તો મોકળાશ મળે એ માટે તમે આઠ-દસ દિવસે બહાર હોટેલમાં જઈને પણ આનંદ માણી શકો છો કે પછી મહિનામાં એકાદ વાર નજીકમાં ક્યાંક વન નાઇટ માટે હસબન્ડ સાથે જઈ શકો છો. શક્ય હોય તો તમે જુદા થવા વિશે પણ વિચારી શકો. સેક્સ માટે ફૅમિલીથી જુદું પડવું એ યોગ્ય નથી, પણ લેસ્બિયન રિલેશનશિપમાં આગળ વધી ન જવાય એવા ભાવથી તો અલગ રહેવું ખોટું પણ નથી લાગતું. ભાવાર્થ એટલો જ કે તમે કોઈ પણ ભોગે અટકો.