‘TVF પિચર્સ’ અને ‘ટ્રિપલિંગ’ની નવી સીઝન ઝીફાઇવ પર!

TVF (ધ વાઇરલ ફીવર)એ ઝીફાઇવ સાથે પાર્ટનરશિપ કરી છે એટલે કે હવે એના બધા જૂના અને આવનારા નવા શો ઝીફાઇવ પર જોવા મળશે

TVFના શો

ભારતમાં વેબ-સિરીઝનો ચીલો ચાતરનાર અને કન્ટેન્ટ બેઝ્‍ડ શો બનાવનાર પ્લૅટફૉર્મ ‘ધ વાઇરલ ફીવર’ એટલે કે TVF અને ઝીફાઇવ પ્લૅટફૉર્મની પાર્ટનરશિપની જાહેરાત કરવામાં આવી છે. આ મેગા પાર્ટનરશિપ હેઠળ TVFના જૂના તેમ જ નવા આવનારા શો ઝીફાઇવ પર રિલીઝ થશે. TVFના દરેક શો યુવાનોમાં પૉપ્યુલર બન્યા છે અને એ યુટ્યુબ પર એક કરોડ જેટલા સબસ્ક્રાઇબર્સ ધરાવે છે ત્યારે ઝીફાઇવ માટે આ ડીલ મહત્ત્વની સાબિત થવાની છે. આવનારા સમયમાં TVF ‘પિચર્સ સીઝન 2’, ‘ટ્રિપલિંગ સીઝન 3’, ‘હ્યુમરસલી યૉર્સ સીઝન 3’, ‘એન્જિનિયિંરગ ગર્લ્સ સીઝન 2’, ‘આમ આદમી ફૅમિલી સીઝન 4’ વગેરે શોનું સ્ટ્રીમિંગ ઝીફાઇવ પર થશે.

અગાઉ પોતાનું કન્ટેન્ટ યુટ્યુબ પર રજૂ કરતા TVFનો લેટેસ્ટ શો ‘ઍસ્પિરન્ટ્સ’ સુપરહિટ રહ્યો છે અને એને લીધે TVFના સબસ્ક્રાઇબર્સની સંખ્યામાં મોટો ઉછાળો આવ્યો છે એટલે હવે કમર્શિયલ લેવલે TVF દ્વારા નવી સ્ટ્રૅટેજી બનાવવામાં આવી છે. યુટ્યુબ પર TVFના એક કરોડ જેટલા સબસ્ક્રાઇબર્સ છે, જે આજ સુધી ફ્રીમાં બધા શો જોઈ શકતા હતા.

હવે ઝીફાઇવ પર TVFના શો પેઇડ હશે એટલે કે યુઝર્સે સબસ્ક્રિપ્શન લેવું પડશે.