06 October, 2021 04:38 PM IST | Mumbai | Gujarati Mid-day Correspondent
તાનિયા કાલરા
તાનિયા કાલરા હવે કોનવુમન બનવા જઈ રહી છે. સ્વર્ગીય સિદ્ધાર્થ શુક્લા સાથે ‘બ્રોકન બટ બ્યુટિફુલ 3’માં જોવા મળેલી તાનિયા હવે ‘ગિરગિટ’માં જોવા મળશે. એમએક્સ પ્લેયર અને અલ્ટબાલાજી પર આ શોને આ મહિનામાં રિલીઝ કરવામાં આવશે, જેનું હાલમાં પોસ્ટ-પ્રોડક્શનનું કામ ચાલી રહ્યું છે. આ શોમાં તે શમોલીનું પાત્ર ભજવતી જોવા મળશે. તે કન્ટ્રોલ ફ્રીક હોય છે. આ વિશે વાત કરતાં તાનિયાએ કહ્યું હતું કે ‘હું આ સિરીઝમાં શમોલીનું પાત્ર ભજવી રહી છું. તે ખૂબ જ છળકપટ કરનારી અને તેના નિર્ણયો પર અડગ રહેતી જોવા મળશે. તેના પ્રેમમાં કોઈ પણ પડી શકે એમ હોય છે. હું છળકપટ કરનારી છોકરીનું પાત્ર ભજવી રહી છું. તે ખૂબ જ ફોકસ્ડ હોય છે કે તેણે કોઈ પણ રીતે પૈસા ભેગા કરવાના હોય છે જેથી તે તેની બેઝિક જરૂરિયાતની સાથે તેના શોખ પણ પૂરા કરી શકે. મેં આ શો માટે ઑડિશન આપ્યું હતું. મને જ્યારે સ્ક્રિપ્ટ આપવામાં આવી ત્યારે એ ખૂબ જ ઇન્ટરેસ્ટિંગ અને એકદમ અલગ હતી. મેં અગાઉ ‘ગિરગિટ’ જેવું પાત્ર ક્યારેય નથી ભજવ્યું.’