21 November, 2021 05:25 PM IST | Mumbai | Gujarati Mid-day Correspondent
પ્રતીકાત્મક તસવીર
ઍમેઝૉન પ્રાઇમ વિડિયોએ રોમૅન્ટિક-કૉમેડી માટે ૬ દિગ્ગજ ફિલ્મમેકર્સ સાથે હાથ મિલાવ્યા છે. આ એક ઍન્થોલૉજી રહેશે. અમેરિકન ઍન્થોલૉજી ‘મૉડર્ન લવ’નું આ ઇન્ડિયન ઍડપ્ટેશન છે. ભારતીય પ્રોજેક્ટ માટે માત્ર એનું ટાઇટલ અને થીમ જ લેવામાં આવશે. જોકે એની સ્ટોરી ભારતના વિવિધ ભાગોમાંથી પ્રેરિત હશે. આ ઍન્થોલૉજી માટે ટૅલન્ટેડ અને જાણીતા ઍક્ટર્સને લેવામાં આવશે. આ પ્રોજેક્ટમાં રોમૅન્સ, સેક્સ્યુઅલ, પારિવારિક, આદર્શવાદી અને સ્વને પ્રેમ કરતા દેખાડવામાં આવશે. ‘હૈદર’ અને ‘મકબુલ’ બનાવનાર વિશાલ ભારદ્વાજ, ‘સ્કૅમ 1992 : ધ હર્ષદ મહેતા સ્ટોરી’ બનાવનાર હંસલ મહેતા, ‘લિપસ્ટિક અન્ડર માય બુરકા’ની અલંક્રિતા શ્રીવાસ્તવ, ‘ધ સ્કાય ઇઝ પિંક’ની શોનાલી બોઝ, ‘બૅન્ગ્લોર ડેઝ’ બનાવનાર અંજલિ મેનન અને ‘લિટલ થિંગ્સ’ના ધ્રુવ સહગલ સાથે પાર્ટનરશિપ કરવામાં આવી છે. આ છ ફિલ્મમેકર્સ છ અનોખી સ્ટોરીઝ લોકો માટે લઈને આવશે. આ ઍન્થોલૉજીમાં ભારતમાં થનારી રિયલ લવ સ્ટોરીઝને દેખાડવામાં આવશે.