25 September, 2021 02:07 PM IST | mumbai | Gujarati Mid-day Correspondent
શેફાલી જરીવાલા
શેફાલી જરીવાલા ‘ક્લાસ ઑફ 2020’માં સામેલ થવાથી ખુશ થઈ છે. આ સિરીઝમાં તે જન્નતનું પાત્ર ભજવવાની છે. આ સિરીઝ ALTBalaji પર રિલીઝ થવાની છે જેમાં વિકાસ ગુપ્તા અને રોહન મેહરા પણ જોવા મળશે. શોનું શૂટિંગ હાલમાં ચાલી રહ્યું છે. પોતાના પાત્ર વિશે શેફાલીએ કહ્યું હતું કે ‘મને એક એવું કૅરૅક્ટર ભજવવાની તક મળી છે જેને ખૂબ જ સુંદર રીતે લખવામાં આવ્યું છે. જન્નતનું પાત્ર ખૂબ જ ઉત્તમ છે અને તેની લાઇફ પ્રતિનો જે જોશ છે એને કારણે આ પાત્ર ભજવવાનો મને આનંદ મળ્યો છે. વિકાસ અને રોહનની સાથે જ આખી ટીમ અદ્ભુત છે. અમે જલદી જ શૂટિંગ પૂરું કરવાના છીએ. સાથે જ આ પ્રોજેક્ટની રિલીઝને લઈને પણ હું આતુર છું.’