20 September, 2020 05:05 PM IST | Mumbai | Gujarati Mid-day Correspondent
રસિકા દુગલ
રસિકા દુગલ ‘આઉટ ઑફ લવ’ની સેકન્ડ સીઝન માટે ખૂબ એક્સાઇટેડ છે. પહેલી સીઝનમાં તેની સાથે પૂરબ કોહલી અને સોની રાઝદાન પણ જોવા મળી હતી. આ શોને અનેક અવૉર્ડ્સ પણ મળ્યા છે. શોમાં ડૉક્ટર મીરા કપૂરનું પાત્ર ભજવનાર રસિકા દુગલે કહ્યું હતું કે ‘હું આ શોમાં કામ કરવા માટે, શોમાં વધુ ટાઇમ સુધી દેખાવા માટે અને લાંબા શૂટિંગનો અનુભવ લેવા માટે પણ ખૂબ ઉત્સાહી હતી. ડૉક્ટર મીરા કપૂર અને એ સીઝનમાં તેની ઇમોશનલ જર્નીને ભજવવી એ દરેક કલાકારની ઇચ્છા હોય છે. અવૉર્ડ્સ મળવા અને દર્શકો વતી પ્રેમ મળવો એ અમારે માટે મોટી વાત છે. સેકન્ડ સીઝનમાં મીરાને અલગ પ્રકારના પડકાર સાથે દેખાડવામાં આવશે. આ સીઝનમાં કામ કરવા માટે હું ખૂબ આતુર છું. એના શૂટિંગ માટે હું બે મહિના માટે કુન્નુરમાં રોકાઈશ. ઘણા મહિના સુધી ઘરમાં રહ્યા બાદ હું હવે પહાડોની આ સુંદરતાને નિહાળવા માટે ખૂબ ઉત્સાહી છું.’