17 January, 2021 04:38 PM IST | Mumbai | Gujarati Mid-day Correspondent
ફૉર મોર શૉટ્સની કાસ્ટ
માનવી ગાગરુએ જણાવ્યું છે કે ‘ફૉર મોર શૉટ્સ પ્લીઝ’ની સીઝન 3ને તે આ શોની બે સીઝનના ફૅન્સને સમર્પિત કરવા માગે છે. આ શોમાં માનવીની સાથે જ સયાની ગુપ્તા, બાની જે. અને કીર્તિ કુલ્હારી પણ લીડ રોલમાં જોવા મળશે. આ ત્રીજી સીઝનનું શૂટિંગ જલદી જ શરૂ કરવામાં આવશે. આ સિરીઝમાં આ ચારેય મહિલાઓનાં જીવનમાં આવતા ઉતાર-ચડાવ, પડકારો અને ભૂલોને દેખાડવામાં આવી હતી. જોકે તેમની ફ્રેન્ડશિપ લાંબા સમય સુધી ટકી રહે છે. ત્રીજી સીઝન વિશે માનવીએ કહ્યું હતું કે ‘સીઝન ૩ને લઈને હું અતિશય પૉઝિટિવ છું. મને એવી લાગણી થઈ રહી છે કે હું આ સીઝનને એના ફૅન્સને સમર્પિત કરું. આ સિવાય પણ લૉકડાઉન દરમ્યાન એકબીજાને ઘણા સમયથી જોયા નહોતા. એથી ફરીથી મળવાના છીએ એ સુંદર અનુભુતિ થઈ રહી છે અને અમારા સંબંધો વધુ મજબૂત બનશે. ત્રીજી વાત એ છે કે દરેક સીઝનની જેમ આ સીઝનમાં પણ નવા ડિરેક્ટર મળવાના છે. એક નવો દૃષ્ટિકોણ હોવો એ સારી બાબત છે. સેટ પર પાછા ફરવા માટે હું ખૂબ આતુર છું.’