30 January, 2021 04:22 PM IST | Mumbai | Gujarati Mid-day Correspondent
કાજલ અગ્રવાલ
કાજલ અગ્રવાલ હવે હૉરર સિરીઝ ‘લાઇવ ટેલિકાસ્ટ’ દ્વારા ડિજિટલ પ્લૅટફૉર્મ પર એન્ટ્રી કરવાની છે. ડિઝની+હૉટસ્ટાર વીઆઇપી પર ૧૨ ફેબ્રુઆરીએ આ સિરીઝ રિલીઝ થવાની છે. શોમાં દેખાડવામાં આવશે કે કેવી રીતે ટીવીના ક્રૂ મેમ્બર એક સુપરહિટ શો બનાવવા માટે એક એવા ઘરમાં ફસાઈ જાય છે જ્યાં સુપરનૅચરલ પાવર્સનું વર્ચસ્વ હોય છે. 7 એપિસોડના આ તામિલ શો વિશે વધુ માહિતી આપતાં કાજલે કહ્યું હતું કે ‘એક કલાકાર તરીકે હું સતત એવા રોલ્સ શોધતી રહું છું કે જે મને મારા કમ્ફર્ટ ઝોનમાંથી બહાર કાઢે. ‘લાઇવ ટેલિકાસ્ટ’ દ્વારા મને એવું કામ મળ્યું છે. મારું કૅરૅક્ટર જેની એક ડિરેક્ટર હોય છે. તે એક સ્ટ્રૉન્ગ અને સ્વતંત્ર મહિલા હોય છે જેનો ઉદ્દેશ માત્ર એક સફળ ટીવી-શો બનાવવાનો હોય છે. પોતાની આ મન્શાને પૂરી કરવાના ચક્કરમાં તે એક મોટા ઘરમાં ફસાઈ જાય છે. હૉરર સ્ટોરીઝ પસંદ હોય એવા દર્શકોને આ શો ખૂબ પસંદ પડશે.’