11 September, 2020 08:03 PM IST | Mumbai | Nirali Dave
પરફેક્ટ મેરેજની વાસ્તવિકતા રજૂ કરતી ચાર ફિલ્મોનું ઝૂમખું એટલે ફરબિડન લવ
નેટફ્લિક્સની ‘લસ્ટ સ્ટોરીઝ’ કે ‘ઘોસ્ટ સ્ટોરીઝ’ની જેમ હવે ઝીફાઈવ પ્લેટફોર્મ પર પણ અલગ-અલગ ડિરેક્ટરની ફિલ્મોનો એક શો ‘ફરબિડન લવ’ બનાવવામાં આવ્યો છે. ‘ફરબિડન લવ’માં પ્રદીપ સરકાર, પ્રિયદર્શન, મહેશ માંજરેકર અને અનિરુદ્ધા રોય ચૌધરી જેવા એવોર્ડ-વિનિંગ ફિલ્મમેકર્સની ચાર રોમેન્ટિક-થ્રિલર જોવા મળશે. આ વાર્તાઓ ‘પરફેક્ટ મેરેજ’ના કોન્સેપ્ટની રિઅલિટી રજૂ કરશે.
આ ચાર સ્ટોરીઝમાં અલી ફઝલ, ઓમકાર કપૂર, આહના કુમરા, હર્ષ છાયા, પૂજા કુમાર, આદિત્ય સીલ, પત્રલેખા પૌલ, રાઈમા સેન સહિતના કલાકારો જોવા મળશે. ‘અનામિકા’ (પ્રિયદર્શન) અને ‘અરેન્જ્ડ મેરેજ’ (પ્રદીપ સરકાર) ૯ સપ્ટેમ્બરે રિલીઝ થઈ છે અને બાકીની બે ફિલ્મો ‘રુલ્સ ઓફ ધ ગેમ’ (અનિરુદ્ધા રોય ચૌધરી) અને ‘ડાયગ્નોસિસ ઓફ લવ’ (મહેશ માંજરેકર) ૨૪ સપ્ટેમ્બરે રિલીઝ થવાની છે.