REJCTX2 દ્વારા ડિજિટલ પ્લૅટફૉર્મ પર એન્ટ્રી કરી રહી છે ઈશા ગુપ્તા

REJCTX2 દ્વારા ડિજિટલ પ્લૅટફૉર્મ પર એન્ટ્રી કરી રહી છે ઈશા ગુપ્તા

‘REJCTX2’ દ્વારા ડિજિટલ પ્લૅટફૉર્મ પર એન્ટ્રી કરનાર ઈશા ગુપ્તાને પહેલેથી જ આ પ્લૅટફૉર્મ માટે કામ કરવાની ઇચ્છા હતી. 14 મેએ ZEE5 પર આ વેબ-સિરીઝ રિલીઝ થવાની છે. એમાં ઈશા સિંગાપોરની પોલીસ-ઑફિસરની ભૂમિકામાં જોવા મળશે. આ શોને ગોલ્ડી બહલે પ્રોડ્યુસ અને ડિરેક્ટ કર્યો છે. શો વિશે ઈશાએ કહ્યું હતું કે ‘વેબ-સિરીઝ ‘REJCTX2’નું પોસ્ટર રિલીઝ કરવામાં આવ્યું છે. દરેક ઍક્ટર્સ એમાં ગ્લૅમરસ અને ઉગ્ર દેખાઈ રહ્યા છે. ‘REJCTX2’માં હું પોલીસ-ઑફિસરની ભૂમિકા મારફત ડિજિટલ પ્લૅટફૉર્મ પર એન્ટ્રી કરી રહી છું. ઑફિસર રેને ગ્લૅમરસ અને સ્ટ્રૉન્ગ તો છે જ પરંતુ તેની સાથે એક સીક્રેટ પણ જોડાયેલું છે જેનો શોમાં ખુલાસો કરવામાં આવશે. મેં પહેલાં પણ પોલીસ-ઑફિસરનું પાત્ર ભજવ્યું છે, પરંતુ આ અલગ છે. ઘણા સમયથી હું ડિજિટલના આ વિશ્વમાં આવવાનું વિચારી રહી હતી. એવામાં ‘REJCTX2’ મારા માટે યોગ્ય પુરવાર થયો છે. આશા રાખું છું કે એની પહેલી સીઝન સાથે લોકો જોડાઈને રહેશે અને એની સીઝન 2 પણ એટલી જ રોમાંચક રહેશે. આ સિરીઝનું પ્રીમિયર 14 મેએ થવાનું છે.’