22 May, 2020 07:58 PM IST | Mumbai | Nirali Dave
ઇરોઝ નાઉની ઓરિજિનલ સિરીઝ ‘મેટ્રો પાર્ક’ની ખાસ ક્વૉરન્ટીન એડિશન આવતી કાલે રિલીઝ થવાની છે. આ કૉમેડી સિરીઝમાં અમેરિકાના મેટ્રો પાર્કમાં રહેતી ગુજ્જુ ફૅમિલીની વાત છે જે વિદેશમાં રહીને પણ પોતાના રિવાજો અને ધોરણોને વળગી રહે છે, ‘ઈ-પૂજા’ જેવો કન્સેપ્ટ પણ અપનાવે છે! ‘મેટ્રો પાર્ક’માં રણવીર શૌરી, પૂરબી જોશી, પિતોબશ ત્રિપાઠી, ઓમી વૈદ્ય, વેગા તમોટિયા સહિતના કલાકારો છે. આ કલાકારોએ લૉકડાઉનને લીધે ઘરે રહીને જ સ્પેશ્યલ એપિસોડ શૂટ કર્યા છે અને એનું ટ્રેઇલર પણ બહુ ફની છે.
કોરોનાને લીધે અહીં માસ્ક, સૅનિટાઇઝેશન અને સોશ્યલ ડિસ્ટન્સ જેવી બાબતો રમૂજી રીતે રજૂ થશે. આ નવી એડિશનમાં ૩થી ૫ મિનિટના પાંચ એપિસોડ હશે. અભિનેતા ઓમી વૈદ્યએ કહ્યું કે ‘લૉકડાઉનમાં લોકો સ્ટ્રગલ કરી રહ્યા છે ત્યારે ‘મેટ્રો પાર્ક’ની ક્વૉરન્ટીન એડિશન તેમને રિલીફ ઉપરાંત જિંદગીની કૉમેડી બાજુ જાણવાનો મોકો આપશે.’