‘ફાડુ’ લઈને આવી રહી છે અશ્વિની ઐયર તિવારી

તેણે હાલમાં સ્પોર્ટ્સ-બેઝ સિરીઝ ‘બ્રેક પૉઇન્ટ’ તેના પતિ નિતેશ તિવારી સાથે મળીને બનાવી હતી

અશ્વિની ઐયર તિવારી

અશ્વિની ઐયર તિવારી હવે વેબ-શો ‘ફાડુ’ લઈને આવી રહી છે. તેણે હાલમાં સ્પોર્ટ્સ-બેઝ સિરીઝ ‘બ્રેક પૉઇન્ટ’ તેના પતિ નિતેશ તિવારી સાથે મળીને બનાવી હતી. તેણે હવે સોની લિવ સાથેની ‘ફાડુ’નું શૂટિંગ શરૂ કરી દીધું છે. તેણે સેટ પરનો ફોટો પણ શૅર કર્યો છે, જેમાં તેની ટીમ સાથે ક્લૅપિંગ-બોર્ડ પણ દેખાઈ રહ્યું છે. આ ફોટો શૅર કરીને અશ્વિની ઐયર તિવારીએ કૅપ્શન આપી હતી, ‘અદ્ભુત ટીમ સાથે કામ કરવાની ખુશી છે. ઓછી લાઇટમાં પણ આ (કૅમેરા) બ્યુટી જે રીતે કલર્સ અને ચહેરાને કૅપ્ચર કરે છે એ અદ્ભુત છે. હું વધુ એક્સપ્લોર કરવા આતુર છું. અનુપ કુલકર્ણીનો 
ખૂબ ધીરજથી મારી સાથે સિનેમામાં ઇમેજનું જે મૅજિક છે એ વિશે વાતચીત કરવા બદલ આભાર. હું મારી આ ડિરેક્ટોરિયલ જર્નીમાં વધુ શીખવા બદલ ખૂબ ખુશ છું.’