21 August, 2020 09:02 PM IST | Mumbai | Nirali Dave
અમિત સાધ
વિવિધ વેબ-સિરીઝમાં આર્મીમૅન અને પોલીસ-ઑફિસરનો રોલ ભજવનારો અમિત સાધ તેની આગામી સિરીઝમાં પણ આર્મીમૅન તરીકે જોવા મળશે. ‘ઝિદ્દ’ નામની આ સિરીઝ ઝીફાઇવ પ્લૅટફૉર્મ માટે બની રહી છે જેને બોની કપૂર પ્રોડ્યુસ કરી રહ્યા છે. બોની કપૂરનો ઓટીટી પ્લૅટફૉર્મ માટે આ પહેલો પ્રોજેક્ટ છે.
ઉલ્લેખનીય છે કે તાજેતરમાં સોની લિવ પર રિલીઝ થયેલી ઉરી-અટૅક પર આધારિત સિરીઝ ‘અવરોધ ધ સીજ વિધિન’માં અમિત સાધ લીડ રોલમાં હતો, તો ‘બ્રીધ ઇન્ટુ ધ શેડોઝ’ (ઍમેઝૉન પ્રાઇમ વિડિયો), ‘ઑપરેશન પરિંદે’ (ઝીફાઇવ)માં અમિત પોલીસ ઑફિસર તરીકે જોવા મળ્યો છે અને હવે ‘ઝિદ્દ’માં ફરી આર્મી ઑફિસર તરીકે જોવા મળશે. સત્યઘટના પર આધારિત ‘ઝિદ્દ’ એ ભારતના સ્પેશ્યલ ફોર્સ અને જાંબાઝ સૈનિકો માટે એક ટ્રિબ્યુટ છે. અમિત સાધ ઉપરાંત, અમૃતા પુરી (કાઈપો છે), સુશાંત સિંહ (ગુલાલ) પણ આ શોમાં મહત્ત્વના રોલમાં છે. ‘ઝિદ્દ’નું શૂટિંગ ટૂંક સમયમાં શરૂ થવાનું છે અને એ આ વર્ષના અંતમાં રિલીઝ થવાની શક્યતા છે.