24 November, 2020 07:21 PM IST | Mumbai | Gujarati Mid-day Correspondent
અ સિમ્પલ મર્ડર
સોનીના ડિજિટલ પ્લૅટફૉર્મ સોની લિવને અત્યારે લૉટરી લાગી છે. ‘ધી સ્કૅમ-1992 ધી હર્ષદ મહેતા સ્ટોરી’ની સક્સેસ પછી બે દિવસ પહેલાં આ પ્લૅટફૉર્મ પર રિલીઝ થયેલી ‘અ સિમ્પલ મર્ડર’ પણ જબરદસ્ત હિટ થઈ છે. ઍક્ચ્યુઅલી આ એક સત્યઘટના પર આધારિત ફિલ્મ છે. સત્યઘટના પણ કંઈ બહુ જાણીતી નહોતી. એક સિંગલ પૅરાગ્રાફમાં છપાયેલા ન્યુઝ પરથી તૈયાર થયેલી આ ફિલ્મનું મુખ્ય કૅરૅક્ટર મનીષ છે. મિડલ ક્લાસ મનીષ માત્ર ને માત્ર ખર્ચના બે છેડા ભેગા કરવામાં રસ ધરાવે છે, પણ એક દિવસ તે ભૂલથી જ્યાં જવાનું છે એ ઘરનો દરવાજો ખખડાવાને બદલે બીજાનું ઘર ખખડાવી નાખે છે અને ખખડાવેલો એ દરવાજો તેને સાવ જુદી જ દુનિયામાં ખેંચી જાય છે.
‘અ સિમ્પલ મર્ડર’માં મોહમ્મદ ઝિશાન ઐયુબ, સુશાંત સિંહ, અમિત સિયાલ, પ્રિયા આનંદ, યશપાલ શર્મા, ગોપાલ દત્ત, ઐયાઝ ખાન જેવા ઍક્ટર છે. ફિલ્મમાં મર્ડરમિસ્ટરી હોવા છતાં એને કૉમેડી તરીકે ટ્રીટ કરવામાં આવી છે.