31 January, 2026 01:19 PM IST | Mumbai | Gujarati Mid-day Correspondent
૨૪ વર્ષ પહેલાં આવેલી યે દિલ આશિકાના ફરી રિલીઝ થશે
વૅલેન્ટાઇન્સ ડેના અવસરે ૨૪ વર્ષ પહેલાં આવેલી કરણ નાથ અને જીવધા શર્મા અભિનીત રોમૅન્ટિક-ઍૅક્શન થ્રિલર ફિલ્મ ‘યે દિલ આશિકાના’ ફરી એક વાર સિનેમાઘરોમાં રિલીઝ થવાની છે. ૨૦૦૨માં રિલીઝ થયેલી આ ફિલ્મ ૧૩ ફેબ્રુઆરીએ ફરી મોટા પડદા પર આવશે. નિર્માતાઓએ એની સત્તાવાર જાહેરાત કરી છે અને સાથોસાથ ફિલ્મનું રીરિલીઝ-ટ્રેલર પણ લૉન્ચ કર્યું છે. બૉક્સ-ઑફિસ પર આ ફિલ્મની શાહિદ કપૂરની ‘ઓ રોમિયો’ સાથે ટક્કર થશે, કારણ કે એ ફિલ્મ પણ ૧૩ ફેબ્રુઆરીએ રિલીઝ થવાની છે.
