12 January, 2022 05:45 PM IST | Mumbai | Karan Negandhi
ફાઇલ તસવીર
કપિલ શર્મા શોના આ અઠવાડિયાના એપિસોડમાં રવિના ટંડન અને ફરાહ ખાન આવી રહ્યા છે. તેમની સાથે જ શોમાં એક કાઠિયાવાડી પાત્ર પણ જોડાવા જઈ રહ્યું છે. કોમેડિયન જોની લીવરની પુત્રી જેમી લીવર આ નવા ગુજરાતી પાત્રમાં જોવાં મળશે. જેમીએ પોતે તેના ઇન્સ્ટાગ્રામ એકાઉન્ટ પર તસવીર શેર કરી એને આ ખુલાસો કર્યો છે.
જેમીએ આ તસવીરો શેર કરતાં લખ્યું કે “યૂ તોહ આવી ગયી તમારા માટે… હું છું ભાવિકા ભટ્ટ ફ્રોમ ભાવનગર. જલદી આવી રહી છું ધ કપિલ શર્મા શોમાં, બધુ કુલ છે?!”
સોની ટીવીએ બહાર પડેલા નવા પ્રોમોમાં જેમી ભાવિકા ભટ્ટના પાત્રમાં જોવાં મળી રહી છે. આ દરમિયાન તે ફરાહ ખાન એને પિતા જોની લીવરની નકલ કરતી પણ જોવા મળશે. રસપ્રદ વાત એ છે કે મજાક-મસ્તીમાં જેમીએ કપિલને વજન ઓછું કરવાનું પણ કહી દીધું હતું. તમે પણ જુઓ તેની એક ઝલક.
આ પ્રોમોને અત્યાર સુધીમાં એક લાખથી વધુ વખત જોવામાં આવ્યું છે અને ફેન્સ કોમેન્ટ બોક્સમાં પણ આ એપિસોડની રાહ જોઈ રહ્યા હોવાનું કહી રહ્યા છે.
નોંધનીય છે કે ગુજરાતીઓનો મોટો વર્ગ કપિલ શર્મા શો જુએ છે અને તેવામાં શોમાં ગુજરાતી પાત્રની એન્ટ્રીથી ગુજરાતીઓને ભારે મજા પડશે. હવે ભાવિકા ભટ્ટ દર્શકોનું કઈ રીતે મનોરંજન કરે છે તે જોવાં માટે તો આ એપિસોડની રાહ જોવી જ રહી.