19 November, 2020 10:06 PM IST | Ahemadabad
કૃતિકા દેસાઈ
સ્ટાર પ્લસના પૉપ્યુલર શો ‘સાથ નિભાના સાથિયા’ની બીજી સીઝન એક મહિના પહેલાં લૉન્ચ થઈ છે અને ટીઆરપી મામલે પણ આગળ પડતી રહી છે.
પહેલી સીઝનની સફળતા તેમ જ જે મોટા સ્કેલ પર ‘સાથ નિભાના સાથિયા 2’ બની છે એ જોતાં દર્શકોને જકડી રાખવાનું પ્રેશર શોના મેકર્સ પર આવ્યું છે.
શોનું મુખ્ય આકર્ષણ કોકિલાબહેન એટલે કે રૂપલ પટેલ હવે જોવા નહીં મળે. તેમણે તાજેતરમાં જ પોતાનો છેલ્લો એપિસોડ શૂટ કર્યો છે. આ ઉપરાંત ગોપી વહુનું પાત્ર ભજવતી દેવોલીના ભટ્ટાચારજી અને અહમ મોદી બનતા મોહમ્મદ નઝીમ પણ ટૂંક સમયમાં આ શોમાંથી એક્ઝિટ લેવાનાં છે એવી અટકળ છે ત્યારે મેકર્સ પર નવા ચહેરા સાથે વ્યુઅરશિપ બનાવી રાખવી પડકારજનક છે. શોમાં હર્ષ નાગર, આકાંક્ષા જુનેજા, સ્નેહા જૈન વગેરે નવા કલાકારો તો છે જ અને હવે કૃતિકા દેસાઈની એન્ટ્રી થવાની છે. ‘બાલવીર રિટર્ન્સ’ અને ‘તેનાલી રામા’ ફેમ કૃતિકા અનંતની લવ ઇન્ટરેસ્ટ તરીકે જોવા મળશે જે અનંત (હર્ષ નાગર) અને ગેહના (સ્નેહા જૈન)ની જિંદગીમાં ટ્વિસ્ટ લાવશે.