અન્ય રિયલિટી શોથી અલગ હશે સ્ટાર પ્લસનો શો 'તારે ઝમીન પર'

અન્ય રિયલિટી શોથી અલગ હશે સ્ટાર પ્લસનો શો 'તારે ઝમીન પર'

સ્ટાર પ્લસ ‘તારે ઝમીન પર’ નામનો નવો સિન્ગિંગ રિયલિટી શો લાવી રહ્યું છે. નામ પ્રમાણે જ આ શો બાળકોને તેમની ગાયનપ્રતિભા રજૂ કરવાની તક આપશે. આ શોની એક ખાસ બાબત એ હશે કે એમાં અગાઉના સિન્ગિંગ શોની જેમ બાળકો પર ઍલિમિનેશનનો તણાવ નહીં રહે. આ ઉપરાંત શોમાં જજ પણ નહીં હોય, પરંતુ એને બદલે ખાસ માર્ગદર્શકો હશે જેઓ બાળકોને તૈયાર કરશે અને તાલીમ આપશે. 

‘તારે ઝમીન પર’ના મેકર્સે શો માટે શંકર મહાદેવન, ટોની કક્કર અને જોનિતા ગાંધીની મેન્ટર્સ તરીકે પસંદગી કરી છે. તો શોના હોસ્ટ વિશે પણ મેકર્સે મહત્ત્વનો નિર્ણય કર્યો છે. બાળકોનો શો હોવાથી ‘કુલ્ફી કુમાર બાજેવાલા’ ફેમ આકૃતિ શર્મા શો હોસ્ટ કરશે અને શોમાં કૉમેડીનો તડકો ઉમેરવા માટે જાણીતી કૉમેડિયન સુગંધા મિશ્રા પણ હોસ્ટિંગમાં સાથ આપશે.