કોણ છે ગહેના જેને માટે કોકિલાબેને ગાયું ગીત, ગોપીવહુને આપી કઈ ચેલેન્જ?

કોણ છે ગહેના જેને માટે કોકિલાબેને ગાયું ગીત, ગોપીવહુને આપી કઈ ચેલેન્જ?

કોકિલા બેન (રૂપલ પટેલ)

સાથ નિભાના (Saath Nibhaana Saathia-2)સાથિયા-2 સીરિયલનો પ્રોમો (Promo Video) સ્ટાર (Star Plus) પ્લસ દ્વારા શૅર કરી દેવામાં આવ્યો છે. તાજેતરમાં જ સીરિયલમાં કોકિલાબેન (Kokilaben) એટલે રૂપલ (Rupal Patel) પટેલ અને ગોપીવહુ (Gopi vahu) એટલે કે દેવોલીના (Devoleena Bhattacharji) ભટ્ટાચાર્જીનો ફર્સ્ટ લૂક પણ રિલીઝ કરવામાં આવ્યો હતો. આ શૉનાં શૂટનો ફર્સ્ટ સીન પૂજાનો હશે એવી પણ ચર્ચા હતી. દરમિયાન જ સાથ નિભાના સાથિયા ટીમે પોતાની યૂટ્યૂબ ચેનલ પરથી તાજેતરમાં જ એક વીડિયો શૅર કર્યો છે.

સ્ટાર પ્લસે શૅર કરેલા પ્રોમો વીડિયોમાં ગોપી વહુ એટલે કે દેવોલીના ભટ્ટાચાર્જી રસોડામાં કૂકર ગહેનાએ ચડાવ્યું હશે એવો ડાયલૉગ બોલે છે અને ગહેના કોણ છે તેનો ખુલાસો હજી કરવામાં આવ્યો નથી. ગહેના કોણ છે તે જાણવા માટે તમારે શૉ જોવો પડશે. અને આમ પ્રોમો વીડિયો પૂરો થાય છે. હવે સાથ નિભાના સાથિયાની બીજી સીઝન ટૂંક સમયમાં જ ઓનઍર આવવા જઈ રહી છે ત્યારે ચાહકોમાં પણ આ શૉને લઈને ઉત્સુકતા વધી રહી છે. તેવામાં સીરિયલની યૂટ્યૂબ ચેનલ પર કોકિલા બેન એટલે રૂપલ પટેલ દ્વારા પોતાની ગોપી વહુ દેવોલીના ભટ્ટાચાર્જીને એક ઓપન ચેલેન્જ આપવામાં આવી છે. આ ચેલેન્જમાં કોકિલા બેને ગહેના માટે ગીત ગાયું છે. આ ગીત એટલે ના ના કરતે ગહેના સે હમ પ્યાર કર બેઠે કરના થા ઇનકાર મગર ઇકરાર કર બેઠે.

આ પણ વાંચો : Exclusive Rupal Patel: ખાલી કૂકર-ચણાના ટ્રેન્ડ અંગે કોકિલાબેન શું કહે છે

અહીં જુઓ વીડિયો

વીડિયોમાં કોકિલાબેનનો એ ઠસ્સો, રુઆબ તો દેખાય જ છે પણ સાથે ગહેના પ્રત્યેનો પ્રેમ પણ છૂપો રહેતો નથી. સાથ નિભાના સાથિયા 2ની યૂટ્યૂબ ચેનલ પરથી #MyGaana4Gehna ચેલેન્જ આપવામાં આવી છે અને આ ચેલેન્જમાં કોકિલાબેને પોતાની ગોપીવહુને નોમિનેટ કરી છે. ત્યારે હવે જોવાનું એ રહેશે કે શું ગોપીવહુ આ ચેલેન્જ એક્સેપ્ટ કરે છે, અને જો દેવોલીના આ ચેલેન્જ સ્વીકારે તો તે ગેહના માટે કયું ગીત ગાશે?

આ પણ જુઓ : સાથ નિભાના સાથિયાની બીજી સીઝન આવી રહી છે ત્યારે જાણો ક્યાં વ્યસ્ત છે શૉના સિતારા

નોંધનીય છે કે આ સીરિયલ ટૂંક સમયમાં જ સ્ટાર પ્લસ પર યે રિશ્તે હે પ્યાર કેના રિપ્લેસમેન્ટમાં જોવા મળશે. આ સીરિયલની તૈયારી મેકર્સે ઘણો સમય પહેલા કરી લીધી હતી પણ જેવું રસોડે મેં કોન થા ગીત પૉપ્યુલર થયું કે મેકર્સે સીરિયલની બીજી સીઝનની જાહેરાત કરી. આ જાહેરાત થતાં જ શૉનાં ચાહકો ખૂબ જ ખુશ છે અને સીરિયલના બીજા ભાગની આતુરતાથી રાહ જોઇ રહ્યા છે.