સ્પર્ધકને લાઇવ શોમાં પર્ફોર્મ કરવાની ઑફર આપી શંકર મહાદેવને

શંકર મહાદેવન હાલમાં ‘સા રે ગા મા પા લિટલ ચૅમ્પ્સ’ને જજ કરી રહ્યો છે

શોની સ્પર્ધક જ્ઞાનેશ્વરી અને શંકર મહાદેવન

શંકર મહાદેવને તેની કૉન્સર્ટમાં સ્પર્ધક જ્ઞાનેશ્વરીને પર્ફોર્મ કરવા માટે ઇન્વાઇટ કરી છે. શંકર મહાદેવન હાલમાં ‘સા રે ગા મા પા લિટલ ચૅમ્પ્સ’ને જજ કરી રહ્યો છે. આ શોની સ્પર્ધક જ્ઞાનેશ્વરીથી તે ખૂબ જ ઇમ્પ્રેસ થઈ ગયો હતો. આ શોના સ્પેશ્યલ એપિસોડ ‘સુરોં કા દરબાર’માં વરુણ ધવન અને ક્રિતી સૅનને હાજરી આપી હતી. આ એપિસોડમાં જ્ઞાનેશ્વરીએ ‘જૂઠે નૈના બોલે સાંચી બતિયાં’ પર્ફોર્મ કર્યું હતું.

આ પર્ફોર્મન્સ બાદ શંકર મહાદેવને કહ્યું હતું કે ‘હું ઇચ્છું છું કે વધુને વધુ લોકો જ્ઞાનેશ્વરીને સાંભળે અને એથી હું ઇચ્છું છું કે આપણી કરમભૂમિ મુંબઈમાં તે લાઇવ પર્ફોર્મ કરે. તે અને તેની ફૅમિલી કન્ફર્ટેબલ હોય તો હું ઇચ્છું છું કે ત્રણ ડિસેમ્બરે મુંબઈમાં થઈ રહેલી મારી મ્યુઝિક કૉન્સર્ટ ‘શંકર મહાદેવન લાઇવ શો’માં તે પર્ફોર્મ કરે.’