04 January, 2021 05:55 PM IST | Mumbai | Gujarati Mid-day Correspondent
એમએક્સ પ્લેયરની આગામી સિરીઝ ‘વીરકર વર્સસ ધ ઍન્ટિ-સોશ્યલ નેટવર્ક’ થ્રિલર ડ્રામા છે જેમાં ‘એક દીવાના થા’ અને ‘આરક્ષણ’ ફેમ પ્રતીક બબ્બર લીડ રોલમાં છે. આ સિરીઝ પીયૂષ ઝાના પુસ્તક ‘ઍન્ટિ-સોશ્યલ નેટવર્ક’ પર આધારિત છે. શોની વાર્તા મુજબ મુંબઈમાં કૉલેજના વિદ્યાર્થીઓનું બેરહેમીપૂર્વક મર્ડર થાય છે ત્યારે ક્રાઇમ બ્રાન્ચના ઇન્સ્પેક્ટર વીરકરને ઇન્વેસ્ટિગેશન દરમ્યાન ક્રૂર યુવા વયના અપરાધીઓનો ભેટો થાય છે. આ ગુનેગારો સોશ્યલ સાઇટ્સ અને ઇન્ટરનેટનો ઉપયોગ કરીને યુવાનોને બ્લૅકમેઇલ કરે છે. પાછું ઇન્સ્પેક્ટર વીરકર ટેક્નૉલૉજી-ફ્રેન્ડ્લી નથી અને સામે ક્રિમિનલ એક માસ્ટરમાઇન્ડ હોય છે એટલે વીરકર માટે આ એક મોટી ચૅલેન્જ છે. શોમાં પ્રતીક બબ્બર ઉપરાંત સિમરન કૌર મુંડી, શિવ પંડિત, આશિષ વિદ્યાર્થી, રોહન જોશી, નગમા રીઝવાન, રૂહી સિંહ, ગોપાલ દત્ત, રાજેશ ખેરા સહિતના કલાકારો મહત્ત્વના રોલમાં છે.