02 June, 2020 10:12 PM IST | Ahmedabad | Mumbai Correspondence
MTVબીટ્સ
ભારતની પહેલી મ્યુઝિક-ઑન્લી ચૅનલ એમટીવી બીટ્સ એના મ્યુઝિક પ્રોગ્રામ ઉપરાંત યંગસ્ટર્સને આકર્ષે એવા શો માટે પણ જાણીતું છે. ડીજે નાઇટ, ડેટિંગ કે રીયુનિયન મિસ કરતા યુવાનો માટે તાજેતરમાં ચૅનલે ‘બાબા કી ચૌકી - લૉકડાઉન એડિશન’, ‘એમટીવી બીટ્સ લૉકડાઉન હાઉસ પાર્ટી’ અને ‘પ્યાર કરો ના’ એમ ત્રણ નવા શોની જાહેરાત કરી છે. આ શો અનુક્રમે હ્યુમર, મ્યુઝિક અને વિડિયો ડેટિંગ પર બેઝ્ડ હશે.
૭ જૂનથી દર શુક્રવારે બપોરે ૧૨ વાગ્યે શરૂ થનારા ‘બાબા કી ચૌકી - લૉકડાઉન એડિશન’માં બાબા ઉર્ફે ડૉ. સંકેત ભોસલે ટ્વિસ્ટ લઈને આવશે અને એમાં ડિજિટલ સ્ટાર્સ અને મ્યુઝિક સેલિબ્રિટીની અજાણી વાતો પણ જાણવા મળશે. ‘પ્યાર કરો ના’માં વર્ચ્યુઅલ ડેટના માધ્યમથી બે અજાણ્યા લોકોની કેમેસ્ટ્રી, લવ ટાસ્ક અને ફ્ન સેગમેન્ટ જોવા મળશે. તો મ્યુઝિક અને ડાન્સના રસિયાઓ માટે ‘એમટીવી બીટ્સ લૉકડાઉન હાઉસ પાર્ટી’ પણ છે જેમાં ડીજે ચેતાઝ તમારા કૅન્સલ થયેલા શનિવારના પ્લાનની ભરપાઈ કરશે અને ડીજે પાર્ટીનો આનંદ તમે ઘેરબેઠાં માણી શકશો!