ફારાહ ખાનની જગ્યા લેશે મિકા સિંહ

તેને કોરોના થયો હોવાથી ‘ઝી કૉમેડી શો’માં તેની જગ્યા લેશે સિંગર

ફરાહ ખાન

ફારાહ ખાન હાલમાં કોવિડ પૉઝિટિવ થઈ હોવાથી ‘ઝી કૉમેડી શો’માં તેની જગ્યાએ હવે મિકા સિંહ જોવા મળશે. ફારાહ ખાને કોવિડ વૅક્સિનના બન્ને ડોઝ લીધા હોવા છતાં તે પૉઝિટિવ થઈ છે. તે હાલમાં આઇસોલેશનમાં છે. જોકે હવે તેની જગ્યાએ બે અઠવાડિયાં સુધી મિકા સિંહ જોવા મળશે. ૧૧ સપ્ટેમ્બરથી મિકા આ શોમાં જોવા મળશે. મિકાએ રવીના ટંડન અને મલ્લિકા શેરાવત સાથે આગામી શોનું શૂટિંગ કર્યું હતું. આ વિશે વાત કરતાં મિકાએ કહ્યું હતું કે ‘ફારાહે તેના વૅક્સિનના બન્ને ડોઝ લીધા હોવા છતાં તે કોવિડ પૉઝિટિવ થઈ છે. આ સમયે તમે કંઈ પ્રિડિક્ટ કરી શકો એમ નથી. મેં તેની સાથે વાત કરી છે અને તે સારી રીતે રિકવર થઈ રહી છે. મને આશા છે કે તે બહુ જલદી સાજી થઈ જશે. છેલ્લી વાર હું જ્યારે ‘ઝી કૉમેડી શો’માં આવ્યો હતો ત્યારે સ્પેશ્યલ ગેસ્ટ તરીકે આવ્યો હતો અને મેં ફારાહ સાથે ખૂબ જ મસ્તી કરી હતી. આથી હું તેને મિસ કરી રહ્યો છુ. જોકે લોકોને હસાવવા માટે શો ચાલુ રાખવો જરૂરી છે. અમે રવીના ટંડન અને મલ્લિકા શેરાવત સાથે બે એપિસોડનું શૂટિંગ કર્યું છે. દરેકે ખૂબ જ મસ્તી કરી હતી અને મને આશા છે કે લોકો બે અઠવાડિયાં સુધી આ શોમાં મારી હાજરીની મજા માણશે.’