06 January, 2021 07:43 PM IST | Mumbai | Gujarati Mid-day Correspondent
મયૂરી કાપડાને
સ્ટાર ભારતના નવા શો ‘તેરી લાડલી મૈં’માં દિવ્યાંગ દીકરી બિટ્ટુની વાત કરવામાં આવી છે. આ બિટ્ટુને બે રૂપમાં દેખાડવામાં આવશે. એક બાળકના સ્વરૂપમાં અને બીજી ટીનેજ અવસ્થામાં. બાળક અવસ્થામાં તો ઑલરેડી બિટ્ટુ મળી ગઈ હતી, પણ ફાઇનલી હવે શો માટે ટીનેજ ઉંમરની બિટ્ટુ પણ મળી ગઈ છે. આ ટીનેજ દિવ્યાંગ બિટ્ટુનું કૅરૅક્ટર મયૂરી કાપડાને કરશે. મયૂરીની આ પહેલી હિન્દી સિરિયલ છે. મયૂરી કહે છે, ‘પહેલી જ સિરિયલમાં આવો ચૅલેન્જિંગ રોલ ખરેખર ટેન્શન કરાવે એવું છે, પણ હું મારું બેસ્ટ પર્ફોર્મ કરીશ, જેને માટે મેં અત્યારથી જ સાઇન લૅન્ગ્વેજ શીખવાનું પણ શરૂ કરી દીધું છે.’
બિટ્ટુ બધિર છે. બિટ્ટુ અને તેના પપ્પા વચ્ચે કોઈ સંબંધ નથી અને બિટ્ટુ તેના પપ્પાના પ્રેમ માટે રીતસર તડપે છે. પપ્પાને પામવા માટે તે અથાક પ્રયાસ કરે છે. બિટ્ટુની એક જ ઇચ્છા છે કે તેના ભાઈને જેટલો પ્રેમ પપ્પા કરે છે એટલો જ પ્રેમ પપ્પા તેને પણ કરે, જેને માટે બિટ્ટુ કોઈ પણ હદે જવા તૈયાર છે. પિતાને પામવાના આ પ્રયાસની વાત ‘તેરી લાડલી મૈં’ દેખાડવામાં આવી છે.