03 October, 2022 04:00 PM IST | Mumbai | Gujarati Mid-day Online Correspondent
ફાઇલ તસવીર
ધ કપિલ શર્મા શૉમાં કપિલ ઘણીવાર ગીતો ગાતો જોવા મળે છે. કૉમેડિયનના કૉમેડી શૉમાં ગેસ્ટ તરીકે આવતા લોકપ્રિય ગાયકો પણ સકારાત્મક પ્રતિસાદ આપે છે. ઈન્ડિયન આઈડલ 13ના જજ તરીકે નેહા કક્કર, વિશાલ દદલાની અને હિમેશ રેશમિયા શૉમાં આવ્યા હતા ત્યારે કપિલે ખુલાસો કર્યો કે તેણે પણ સિંગિંગ રિયાલિટી શૉ માટે અરજી કરી હતી.
વિનીત સિંઘ, ઋષિ સિંઘ, નવદીપ વડાલી અને સંચારી સેનગુપ્તા તેમ જ ઈન્ડિયન આઈડલ 13ના નિર્ણાયકો અને સ્પર્ધકો કપિલની આ વાત સાંભળીને અચંબિત થઈ ગયા હતા. કપિલે પહેલાં અન્ય રિયાલિટી શૉમાં પર ઓડિશન આપ્યું હતું, ત્યારબાદ તેણે ઈન્ડિયન આઈડલમાં શોટ આપ્યો, પરંતુ તે અસફળ રહ્યો હતો. તે સમાન રિયાલિટી શૉ ‘આવાજ પંજાબ દી’ માટે ઓડિશન પ્રક્રિયામાંથી પસાર થયો અને સદનસીબે તેની પસંદગી થઈ.
કૉમેડી પર ફોકસ કરતી રિયાલિટી સીરિઝ ધ લાફ્ટર ચેલેન્જ માટે પણ કપિલની તે જ સમયે પસંદગી કરવામાં આવી હતી. ધ લાફ્ટર ચેલેન્જ લેવાનું નક્કી કરતાં પહેલાં તેણે થોડું આત્મનિરીક્ષણ કર્યું, જેણે તેને પ્રચંડ સફળતા અને ખ્યાતિ આપવી.
વર્કફ્રન્ટની વાત કરીએ તો કપિલ શર્મા શહાના ગોસ્વામી અને તુષાર આચાર્ય સાથે નંદિતા દાસની આગામી ફિલ્મ ઝ્વીગાટોમાં મુખ્ય ભૂમિકામાં જોવા મળશે.