21 November, 2019 10:15 AM IST | Mumbai
કમાલ ખાન
બિગ બૉસ આમ પણ ઘરમાં ચાલતી એની ઍક્ટિવિટીના કારણે ન્યુઝમાં આવતું રહે છે, પણ આ વખતે આ રિયલિટી શોને ન્યુઝમાં લાવવાનું કામ ક્રિટિક્સ અને સી ગ્રેડના ઍક્ટર કમાલ ખાન એટલે કે KRKએ કર્યું છે. કમાલ ખાન અત્યારે દુબઈના પોતાના પૉશ બંગલોમાં બેઠો ‘બિગ બૉસ’ની તેરમી સીઝન જુએ છે. કમાલ ખાને ગઈ કાલે ટ્વિટર પર પોતાની રીઍક્શન આપતાં લખ્યું કે ‘અત્યારે બિગ બૉસના ઘરમાં મારી જો કોઈ ફેવરિટ હોય તો એ દેવોલિના છે. તે એટલી ક્યુટ અને ખૂબસુરત છે કે હું એની સાથે મૅરેજ કરવા પણ તૈયાર છું, લવ યુ બેબ.’
કમાલ ખાન ઑલરેડી બિગ બૉસના ઘરનો એક કન્ટેસ્ટન્ટ રહી ચૂક્યો છે. તેણે દેવોલિનાને સપોર્ટ કરવા માટે પોતાની યુટ્યુબ ચૅનલ પર એક વિડિયો બનાવવાનું પણ નક્કી કર્યું છે. દેવોલિના બૅનરજીએ સ્ટાર પ્લસની ‘સાથ નિભાના સાથિયાં’માં ગોપીબહુનું કૅરેક્ટર કર્યું હતું જે બહુ પૉપ્યુલર થયું હતું.