11 July, 2020 06:38 PM IST | Mumbai | Gujarati Mid-day Online Correspondent
'તારક મહેતા કા ઉલ્ટા ચશ્મા'
લૉકડાઉન બાદ હવે ઘણા ટેલિવિઝન શૉઝની શૂટિંગ શરૂ થઈ ગઈ છે. સાથે જે સૌનો કૉમેડી અને દર્શકોનો લોકપ્રિય શૉ 'તારક મહેતા કા ઉલ્ટા ચશ્મા'ની શૂટિંગ શરૂ થઈ ગઈ છે. શૉના નિર્દેશક માલવ રાજદાએ સેટની કેટલીક તસવીરો પોતાના ઈન્સ્ટાગ્રામ અકાઉન્ટ પર શૅર કરી છે, જેમાં સેટ પર બધા લોકો કોરોના વાઈરસથી બચવા માટે ઘણી સાવચેતી રાખી રહ્યા છે.
માલવ રાજદાએ તારક મહેતા કા ઉલ્ટા ચશ્માના સેટ પરથી કેટલાક ફોટોઝ શૅર કર્યા છે અને સાથે કેપ્શનમાં લખ્યું છે, રોલ, રોલિંગ, એક્શન, 115 દિવસ બાદ એકવાર ફરીથી શૂટિંગ શરૂ થઈ ગઈ છે. કામ શરૂ કરીને ઘણું સારૂ લાગી રહ્યું છે. એકવાર ફરીથી હસવા માટે તૈયાર થઈ જજો.
માલવ રાજદાની પત્ની પ્રિયા અહુજા જે તારક મહેતા કા ઉલ્ટા ચશ્મા શૉમાં રીટા રિપોર્ટરનો રોલ ભજવે છે એમણે કમેન્ટ કરતા લખ્યું, લવ યૂ મલૂડી, તમારા માટે ઘણી ખુશ છુ, પ્લીઝ ધ્યાન રાખો અને સુરક્ષિત રહો.
શૉ વિશે વાત કરતા આપને જણાવી દઈએ કે તારક મહેતા કા ઉલ્ટા ચશ્માને દર્શકોનો સતત પ્રેમ મળી રહ્યો છે. આ શૉ 11 વર્ષથી વધુ સમયથી લોકોને સતત હસાવતો રહ્યો છે અને મનોરંજન કરતો રહ્યો છે.