14 October, 2020 05:11 PM IST | Mumbai | Gujarati Mid-day Online Correspondent
જાસ્મિન અને એજાઝ
બિગ બૉસ 14માં મંગળવારનો એપિસોડ ખૂબ જ મજેદાર હતો. એક તરફ સ્પર્ધકો ટાસ્ક જીતવા માટે એકબીજા સાથે લડતા જોવા મળ્યા હતા, તો બીજી તરફ તેમનો રમૂજી ગેટઅપ્સમાં પણ જોવા મળ્યા હતા. શૉમાં સીનિયરોને ખુશ કરવા સ્પર્ધકોએ કોઈ કસર છોડી નહોતી. આ દરમિયાન એજાઝ ખાનથી લઈને અભિનવ શુક્લા સુધી દરેક જણે સીનિયરો અનુસાર ગેટઅપ્સ બદલતા જોવા મળ્યા હતા.
જોકે કન્ટેસ્ટન્ટમાં આ જોશ વીકેન્ડ કા વારમાં સલમાનના ગુસ્સા બાદ જોવા મળી રહ્યો છે. ટાસ્કમાં અત્યાર સુધી સુસ્ત રહેનારા કન્ટેસ્ટન્ટ ભરપૂર ધમાલમસ્તી કરતા જોવા મળ્યા હતા.
અભિનવ શુક્લાને પણ પત્ની રૂબીના દિલૈકનો ગાઉન પહેરવાનું કાર્ય આપ્યું હતું. તેણે આ ટાસ્કને પૂર્ણ કરતા એજાઝ ખાન સાથે ઠુમકા પણ લગાવ્યા હતા.
રૂબીના દિલૈકથી સીનિયર્સ લોકો ખૂબ ખુશ હતા. તેને જોકરોની જેમ મેકઅપ કરવાનું કહેવામાં આવ્યું. રૂબીના આ આદેશને પૂર્ણ કરે છે અને પોતાને એક ક્લાઉન તરીકે રજૂ કરે છે. તે આખા ટાસ્ક દરમિયાન ક્લાઉનના ગેટઅપમાં જોવા મળી હતી.
રાહુલ વૈદ્યે પણ તેના ડાન્સથી સીનિયરો અને ચાહકોનું દિલ જીતી લીધું હતું. તે પ્રિન્ટેડ ડ્રેસ પહેરીને ડાન્સ કરતો જોવા મળ્યો હતો. તેણે ડાન્સ કરતા સિદ્ધાર્થ શુક્લાને પણ મનાવવાનો પ્રયત્ન કર્યો.
ગૌહર ખાન દ્વારા જાસ્મિન ભસીનને પણ છોકરાઓની જેમ આઈબ્રો બનાવવા કહ્યું હતું. એના પર, જાસ્મિન સીનિયર્સના આદેશનું પાલન કરે અને તેણે આઈબ્રોઝ છોકરાઓની જેમ બનાવી હતી.
ગૌહર ખાને એજાઝ ખાનને ટાસ્ક અંતર્ગત પવિત્ર પુનિયાનું ગાઉન પહેરવાનું કહ્યું હતું. ગાઉનમાં ડાન્સ કર્યા બાદ એજાઝને રેડ લિપસ્ટિક લગાવવા પણ કહેવામાં આવ્યું હતું. લાલ લિપસ્ટિકમાં એજાઝ ખાન ખૂબ ફની નજર આવ્યા હતા.