નમક ઇશ્ક કામાં જોવા મળશે ભોજપુરી ઍક્ટર આદિત્ય ઓઝા

નમક ઇશ્ક કામાં જોવા મળશે ભોજપુરી ઍક્ટર આદિત્ય ઓઝા

આદિત્ય ઓઝા

કલર્સની ‘નમક ઇશ્ક કા’માં ભોજપુરી ઍક્ટર આદિત્ય ઓઝાને પસંદ કરવામાં આવ્યો છે. આ શોમાં એક ડાન્સર એટલે કે નચનિયાનું પાત્ર ભજવતી ચમચમની સ્ટોરી રજૂ કરવામાં આવી છે જેનો લોકો તિરસ્કાર કરતા હોય છે. પરંતુ તેનાં લગ્ન મુંબઈની એક ખૂબ જ સારી ફૅમિલીમાં થાય છે. આ શોમાં આદિત્ય ચમચમના પતિ યુગ પ્રતાપ સિંહના લીડ પાત્રમાં જોવા મળશે. યુગ ભગવાન શંકરનો ભક્ત હોય છે અને તે તેની ફૅમિલીના ટ્રેડિશન અને કલ્ચરને ફૉલો કરતો હોય છે. પ્રેમથી ડરતો હોવાથી યુગનું દિમાગ જ તેના દિલને પણ કન્ટ્રોલ કરતું હોય છે. જોકે તે ચમચમને મળે છે અને ટ્વિસ્ટ ઍન્ડ ટર્ન આવે છે. આ વિશે આદિત્યએ કહ્યું હતું કે ‘ટીવીમાં કામ કરવાનો મેં કોઈ ચોક્કસ વિચાર નહોતો કર્યો, પરંતુ જો એ શક્ય બન્યું તો મારે એવા શોમાં કામ કરવું હતું જે એકદમ અલગ હોય. આ શોની સ્ક્રિપ્ટ અને પાત્ર ખૂબ જ અલગ છે. ‘નમક ઇશ્ક કા’ દ્વારા મારી પાત્ર ભજવવાની ઇચ્છા પૂરી થઈ છે અને હું એને લઈને ખુશ છું.’