શું ભારતી સિંહ છે પ્રેગ્નેન્ટ, બાળકોને લઇને કરી મહત્વની વાત

શું ભારતી સિંહ છે પ્રેગ્નેન્ટ, બાળકોને લઇને કરી મહત્વની વાત

ભારતી સિંહ સાથે હર્ષ લિંબાચિયા

ભારતીસિંહ ફરી ચર્ચાનું કેન્દ્ર બની

કૉમેડિયન ભારતી સિંહ તાજેતરમાં “ખતરા ખતરા ખતરા” અને “ધ કપિલ શર્મા શૉ” માં જોવા મળે છે. ભારતી તાજેતરમાં કોઇ પ્રૉજેક્ટને લઇને નહીં પણ પોતાની પ્રેગ્નેન્સીને લઇને ચર્ચામાં છે. જણાવીએ કે શનિવારે સેટ પર અભિનેત્રીની તબિયત ખરાબ થઇ ગઇ હતી. જેના પછીથી એવી ચર્ચા થઇ રહી છે કે ભારતી પ્રેગ્નેન્ટ છે. તાજેતરમાં જ ભારતીએ આ બાબતે હકીકત સ્પષ્ટ કરી.

ભારતી સિંહે પ્રેગ્નેન્સીને લઇને આપી સ્પષ્ટતા આપી

ભારતી સિંહે જણાવ્યું કે તેનું વજન વધારે હોવાથી લોકો સરળતાથી આવી વાતો વિચારી લે છે. હર્ષ અને તે બેબી ઇચ્છે તો છે પણ આ બાબતે તે બન્ને નવેમ્બર પછી પ્લાન કરવાના છે. અત્યારે જીવન ખૂબ જ હેક્ટિક છે. એવામાં તે બાળક વિશે વિચારી પણ નથી શકતા. એટલું જ નહીં સેટ પર તેની તબિયત ખરાબ થવા વિશે પૂછવામાં આવ્યું તો તેણે જણાવ્યું કે તેને ઉલ્ટી થઇ હતી પણ તે એસિડિટીને કારણે થઇ હતી.

આ પહેલા પણ ભારતીની પ્રેગ્નન્સીને લઇને અફવા ઉડી હતી

મહત્વની વાત એ છે કે આ પહેલી વાર નથી જ્યારે ભારતીની પ્રેગ્નેન્સીને લઇને ચર્ચા થઇ હોય આ પહેલા પણ કેટલીયવાર આવી અફવાઓ આવી છે. વાત કરીએ ભારતી અને હર્ષની તો બન્નેની બોન્ડિંગ પડદા પર જબરજસ્ત લાગે છે. બન્ને કોઇપણ શૉમાં એકબીજાની મસ્તી કરવામાં પાછળ રહેતાં નથી. તો ભારતી જે ફણ શૉમાં હોય ત્યા દર્શકોને કૉમેડીનો ભરપૂર ડોઝ જોવા મળતો હોય છે. ભારતી પોતાની કૉમેડી ટાઇમિંગ માટે જાણીતી છે.

આ પણ વાંચો : ગાયક અભિનેતા કરણ ઓબેરૉય પર રેપનો આરોપ, પોલીસે કરી ધરપકડ

ફિલ્મ, ટીવી અને રિયાલિટી શૉમાં પોતાની કૉમેડીની મદદથી લોકોનું મનોરંજન કરતી ભારતીને છેલ્લે ખતરો કે ખિલાડીમાં જોવાઇ હતી અને તેનો પતિ હર્ષ લિંબાચિયા પણ જોવા મળ્યો હતો.