એક્સક્યુઝ મી મૅડમમાં અર્શદ?

એક્સક્યુઝ મી મૅડમમાં અર્શદ?

અર્શદ વારસી

સ્ટાર ભારત હવે જ્યારે બદલાઈ રહ્યું છે ત્યારે ચૅનલના સુપરહિટ શો ‘મે આઇ કમ ઇન મૅડમ?’ની સેકન્ડ સીઝનનું પ્લાનિંગ થયું છે. આ સેકન્ડ સીઝનમાં લેડી બૉસના એકપક્ષી પ્રેમમાં પાગલ હોય એવા એમ્પ્લૉઈના કૅરૅક્ટર માટે અર્શદ વારસીનો કૉન્ટૅક્ટ કરવામાં આવ્યો છે અને અર્શદે આ કૅરૅક્ટર કરવા માટે ઇન્ટરેસ્ટ પણ દેખાડ્યો છે. હવે પ્રોડક્શન-હાઉસ અને ઍક્ટરની શરતો એકબીજાને અનુકૂળ આવશે તો ચોક્કસ અર્શદ આ શોમાં તમને જોવા મળશે.

‘મે આઇ કમ ઇન મૅડમ?’માં પતિ, પત્ની અને લેડી બૉસની કથા હતી. આ વખતે આ સેકન્ડ સીઝનને થોડી વધારે કૉમિક બનાવવાના હેતુથી જ અર્શદ વારસીને લાવવાનો પ્રયાસ થઈ રહ્યો છે. અર્શદ વારસીએ અગાઉ ટીવી-શો કર્યા છે, પણ છેલ્લા દોઢ દસકાથી તેણે ટીવી-ઇન્ડસ્ટ્રી છોડી દીધી છે. કોવિડ-19 વચ્ચે ટીવી-ઇન્ડસ્ટ્રી વધારે ઊભરશે એવી શક્યતા જોતાં અર્શદે આ શો માટે પ્રારંભિક રીતે હા પાડી છે.