13 July, 2020 07:02 PM IST | Mumbai | Gujarati Mid-day Online Correspondent
રૂપાલી ગાંગુલી, અન્નુ કપૂર
લૉકડાઉનને લીધે અટકી પડેલો સ્ટાર પ્લસનો નવો શો ‘અનુપમા’ આખરે આજે લૉન્ચ થવાનો છે. ‘અનુપમા’માં એક મહિલાના સમર્પણ અને પ્રેમની વાત છે. એક પત્ની-વહુ-મા તરીકે ‘અનુપમા’ આખો દિવસ પરિવાર માટે બધું કરી છૂટે છે, પણ તેની કદર થતી નથી. અગાઉ આ જ વિષય પર મરાઠી અને બંગાળી શો બની ચૂક્યા છે. સ્ટાર પ્લસ પર આ શોનો પ્રીમિયર બહુ પહેલાં થવાનો હતો, પણ કોરોનાને લીધે એ લૉન્ચ ન થઈ શક્યો અને આજથી સ્ટાર પ્લસ પર ‘અનુપમા’ સાથે અન્ય શોના નવા એપિસોડ પણ ચાલુ થવાના છે.
‘અનુપમા’નો લીડ રોલ રૂપાલી ગાંગુલી ભજવી રહી છે. રૂપાલી ઉપરાંત શોમાં સુધાંશુ પાંડે, પારસ કલનાવત, આશિષ મેહરોત્રા, અલ્પના બુચ વગેરે જોવા મળશે. તો જાણીતા અભિનેતા અન્નુ કપૂર પણ આ શો સાથે જોડાઈ ગયા છે અને તેમણે શૂટિંગ પણ શરૂ કરી દીધું છે. તેમનું પાત્ર મનોરંજનસભર હશે અને તેઓ અનુપમાની જિંદગીમાં નિર્ણાયક ભૂમિકા ભજવશે. અન્નુ કપૂર ઉપરાંત મેહુલ નિસ્સાર (‘હિપ હિપ હુર્રે’ ફેમ) પણ શોની કાસ્ટ સાથે જોડાયો છે.