22 January, 2023 05:55 PM IST | Mumbai | Gujarati Mid-day Online Correspondent
તસવીર: શોએબ ઈબ્રાહિમ ઈન્સ્ટાગ્રામ
આલિયા ભટ્ટ (Alia Bhatt),બિપાશા બાસુ(Bipasa basu)અને દેબીના બેનરજી (Debina Bonnerjee)એ થોડા મહિના પહેલા જ પુત્રીને જન્મ આપ્યો છે. આ સાથે જ વધુ એક અભિનેત્રી માતા બનવાની છે. ઉલ્લેખનીય છે કે ટૂંક સમયમાં જ ટીવી એક્ટ્રેસ દીપિકા કક્કડ (Deepika Kakar) અને શોએબ ઈબ્રાહિમ(Shoaib Ibrahim)ના ઘરે કિલકારી ગુંજવાની છે. આ માહિતી અભિનેતા દ્વારા આપવામાં આવી છે, જેના પછી ચાહકો ખૂબ જ ખુશ છે.
હાલમાં જ શોએબ ઈબ્રાહિમે તેના ઈન્સ્ટાગ્રામ પર એક તસવીર પોસ્ટ કરી છે. આ ફોટામાં તે તેની પત્ની દીપિકા સાથે સફેદ કેપ પહેરીને બેઠો છે. આ ટોપી પર મમ્મી અને પપ્પા લખેલું છે. આ તસવીર શેર કરતા શોએબે કેપ્શનમાં લખ્યું છે કે, "આભાર, આનંદ, ઉત્સાહ અને સાથે જ નર્વસનેસથી ભરેલા હૃદય સાથે, આ સમાચાર તમારા બધા સાથે શેર કરી રહ્યો છું. આ આપણા જીવનનો સૌથી સુંદર તબક્કો છે." આ સાથે જ તેમણે વધુમાં લખ્યું કે "હા અમે અમારા પ્રથમ બાળકની અપેક્ષા રાખીએ છીએ અને ટૂંક સમયમાં જ પેરેન્ટહુડ આનંદ માણીશું. અમારા બાળકને તમારા પ્રેમ અને પ્રાર્થનાની ખૂબ જરૂર છે." આ પોસ્ટ પર ફેન્સ શોએબ અલીને અભિનંદન આપી રહ્યા છે.
આ પણ વાંચો:Assamના CM હિમંત બિસ્વ સરમા શાહરુખને નથી ઓળખતા, 2 વાગ્યે SRKએ કર્યો ફોન
જણાવી દઈએ કે દીપિકા કક્કડ અને શોએબ ઈબ્રાહિમની પહેલી વાર `સસુરાલ સિમર કા` સીરિયલના સેટ પર મળ્યા હતા. બંને શો `સસુરાલ સિમર કા`માં લીડ રોલમાં જોવા મળ્યા હતા. આ દરમિયાન તેઓ એકબીજાને પ્રેમ કરવા લાગ્યા અને લગ્ન કરવાનું નક્કી કર્યુ. દીપિકા અને શોએબે વર્ષ 2018માં લગ્ન કર્યા હતા.