12 May, 2021 12:04 PM IST | Mumbai | Gujarati Mid-day Correspondent
ટૉમ ક્રૂઝ
ટૉમ ક્રૂઝે તેના ત્રણ ગોલ્ડન ગ્લોબ્સ અવૉર્ડ્સને પાછા આપી દીધા છે. તેણે હૉલીવુડ ફ્રી પ્રેસ અસોસિએશન વિરુદ્ધના પ્રોટેસ્ટને તેણે પણ સપોર્ટ આપ્યો છે. ગોલ્ડન ગ્લોબ્સ અવૉર્ડ્સને આ અસોસિએશન દ્વારા ઑર્ગેનાઇઝ કરવામાં આવે છે. લૉસ ઍન્જલસ ટાઇમ્સ દ્વારા આ વર્ષની શરૂઆતમાં જ અવૉર્ડ્સમાં ચાલતા કરપ્શનને એક્સપોઝ કરવામાં આવ્યું હતું. ત્યારથી લઈને આ અસોસિએશન ચર્ચાનો વિષય બન્યું છે. તેમના મેમ્બર્સમાં એક પણ બ્લૅક વ્યક્તિ ન હોવાથી એનો પણ વિરોધ કરવામાં આવી રહ્યો છે. આથી ટૉમ ક્રૂઝે ‘જેરી મેગુરી’ અને ‘બૉર્ન ઑન ધ ફોર્થ ઑફ જુલાઈ’ માટેનો બેસ્ટ ઍક્ટરનો અવૉર્ડ અને ‘મંગોલિયા’ માટેનો બેસ્ટ સપોર્ટિંગ ઍક્ટરનો અવૉર્ડ પાછો આપી દીધો છે. ૧૯૯૬થી NBC દ્વારા આ અવૉર્ડને બ્રૉડકાસ્ટ કરવામાં આવે છે, પરંતુ તેઓ ૨૦૨૨નો અવૉર્ડ બ્રૉડકાસ્ટ નહીં કરે એની જાહેરાત થતાં જ ટૉમ ક્રૂઝે પણ આ પ્રોટેસ્ટમાં ભાગ લીધો હતો. હાલમાં જ સ્કારલેટ જ્હોન્સન દ્વારા પણ આ અસોસિએશનના કેટલાક મેમ્બર્સ દ્વારા સેક્સિસ્ટ સવાલો પૂછવામાં આવ્યા હોવાનું જણાવવામાં આવ્યું હતું. ‘અવેન્જર્સ’ના તેના કો-સ્ટાર માર્ક રફેલોએ પણ કહ્યું હતું કે આ અવૉર્ડ મળવાનો તેને ગર્વ અથવા તો ખુશી નથી થઈ રહી.