મિસ આર્જેન્ટિના અને મિસ પ્યુઅર્ટો રિકોએ કર્યા લગ્ન, બંને મોડલ બે વર્ષથી કરી રહી હતી ડેટ

આ કપલ લગ્નના બંધનમાં બંધાઈ ગયું છે અને તેણે ઈન્સ્ટાગ્રામ પર તેનો ખુલાસો કર્યો છે.

તસવીર (ઈન્સ્ટાગ્રામ)

મિસ આર્જેન્ટિના મારિયાના વરેલા (Miss Argentina Mariana J Varela)અને મિસ પ્યુઅર્ટો રિકો ફેબિઓલા વેલેન્ટાઈન(Miss Puerto Rico FaBiola valentin)એ તેમના સંબંધોનો ખુલાસો કર્યો છે. બંને દુનિયાની નજરથી બચીને છેલ્લા બે વર્ષથી એકબીજાને ડેટ કરી રહ્યા હતા.

હવે આ કપલ લગ્નના બંધનમાં બંધાઈ ગયું છે અને તેણે ઈન્સ્ટાગ્રામ પર તેનો ખુલાસો કર્યો છે. બંનેએ સોશિયલ મીડિયા પર એક ખૂબ જ સુંદર વીડિયો શેર કર્યો છે જેમાં તેમના સંબંધોનો ખુલાસો કરવામાં આવ્યો છે.

2020 માં મળ્યા હતા
મારિયાના વરેલા અને ફેબિઓલા વેલેન્ટાઇન 2020 માં મિસ ગ્રાન્ડ ઇન્ટરનેશનલ દરમિયાન પ્રથમ વખત મળ્યા હતા. ત્યારથી બંને એકબીજાના સંપર્કમાં હતા અને એકબીજાને ડેટ કરતા હતા. આ પછી 28 ઓક્ટોબરે બંનેએ લગ્ન કરી લીધા. તેણે સોશિયલ મીડિયા પર લખ્યું, અમારા સંબંધોને ખૂબ જ ખાનગી રાખ્યા પછી, અમે 28 ઓક્ટોબરે એકબીજા માટે અમારા દરવાજા ખોલ્યા. આ જાહેરાત બાદ સોશિયલ મીડિયા પર બંનેને અભિનંદન પાઠવતા લોકોનો ધસારો જોવા મળી રહ્યો છે.