25 December, 2021 02:03 PM IST | Mumbai | Gujarati Mid-day Online Correspondent
BTS સ્ટાર સુગા કોરોના પોઝિટિવ આવ્યો
BTS સભ્ય સુગા (Suga) કોરોના પોઝિટિવ (Corona Positive)આવ્યો છે. BTSની એજન્સી બિગ બિટ મ્યુઝિકે આ જાણકારી આપી છે. તેણે પોતાના સત્તાવાર નિવેદનમાં જણાવ્યું કે સુગા હજુ પણ ક્વોરેન્ટાઈનમાં છે અને તેણે રસીના બંને ડોઝ લીધા છે.
એજન્સીએ કંપની વતી સત્તાવાર નિવેદન જારી કરીને કહ્યું કે તેઓ સુગાને શક્ય તેટલી વહેલી તકે ઠીક કરવાના તમામ પ્રયાસો કરશે. તેણે જણાવ્યું કે સુગા તેના અન્ય બેન્ડ સભ્યો આરએમ, જિમ, જે હોપ, જીમિન, વી અને જંગકૂક સાથે સંપર્કમાં નથી.
સુગા ઘરે ક્વોરેન્ટાઇનમાં છે
23 ડિસેમ્બરે કોરિયા પરત ફર્યા બાદ સુગાનો RT-PCR ટેસ્ટ કરવામાં આવ્યો હતો અને તેનો રિપોર્ટ કોરોના પોઝિટિવ આવ્યો હતો. નિયમોને અનુસરીને, સુગાએ ઓગસ્ટમાં રસીનો બીજો ડોઝ લીધો હતો. આરોગ્ય અધિકારીઓની માર્ગદર્શિકા અનુસાર હોમ ક્વોરેન્ટાઇન હેઠળ છે. સુગા તેના યુએસ વેકેશન દરમિયાન ઘણા લોકોને મળ્યા હતા. અમેરિકાના પ્રવાસ પહેલા તેનો કોરોના ટેસ્ટ કરવામાં આવ્યો હતો અને તે નેગેટિવ આવ્યો હતો અને કોરિયા પરત ફરતી વખતે તેનો પીસીઆર ટેસ્ટ કરવામાં આવ્યો હતો, જેમાં તે કોરોના પોઝિટિવ આવ્યો હતો.
નોંધનીય છે કે મુંબઈમાં કરણ જોહરના ઘરે પાર્ટીમાં હાજરી આપ્યા બાદ કરીના કપૂર ખાન, અમૃતા અરોરા સહિતના બોલિવૂડ સ્ટાર્સ કોરોના પોઝિટિવા આવ્યાં હતા. સોહેલ ખાનની પત્ની સીમા ખાન અને સંજય કપૂરની પત્ની મહિપ કપૂર અને તેમની પુત્રી શનાયા કપૂર પણ કોવિડ પોઝિટિવ હોવાનું જાણવા મળ્યું હતું. આ સાથે ટીવી સ્ટાર નકુલ મહેતા અને અર્જુન બિજલાની પણ કોરોનાની ચપેટમાં આવ્યાં છે.