24 February, 2020 08:35 PM IST | Mumbai Desk
પોતાની પહેલી ફિલ્મમાં ત્રણ ભૂમિકાઓ ભજવ્યા બાદ લોકપ્રિયતા મેળવી રહી છે. 14 ફેબ્રુઆરીએ રિલીઝ થયેલી હૉરર કૉમેડી ડ્રામા ફિલ્મ અફરા તફરીમાં ખુશી શાહે ડેબ્યૂ કર્યો હતો. આ ફિલ્મમાં ખુશીએ ત્રણ જુદી જુદી ભૂમિકા ભજવી છે. જેમાં સોનલ, જ્વાલા અને ભૂત એમ ત્રણ પાત્રોનો પૂરતો ન્યાય આપવામાં તે સફળ રહી છે.
પોતાનો અનુભવ શૅર કરતાં ખુશી શાહ કહે છે કે, "આ એક અદ્ભુત અનુભવ હતો અને હું ભાગ્યશાળી છું કે મને મારી પહેલી ગુજરાતી ફિલ્મમાં ત્રણ ભૂમિકાઓ ભજવવા મળી. વ્યક્તિગત રીતે, મને હૉરર પસંદ છે અને મને એક હૉરર કૉમેડી કરવા મળી, જે ગુજરાતી ફિલ્મ ઇન્ડસ્ટ્રી માટે ખૂબ નવું છે. આ પ્રકારની ફિલ્મ બનાવવી ખૂબ અઘરી છે અને ગુજરાતી પ્રેક્ષકો, જે મોટે ભાગે કૉમેડી જોવાનું પસંદ કરે છે તેમની પ્રશંસા મેળવવી સહેલી વાત નથી."
પ્રથમ ગુજરાતી હોરર કૉમેડી ફિલ્મ એવી અફરા તફરીને દર્શકો પાસેથી પણ પ્રશંસા મળી રહી છે. તેમજ બૉક્સ ઑફિસ પર પણ આ ફિલ્મ સારી કમાણી કરી રહી છે.
અભિનેત્રી હાલમાં ફિલ્મની સફળતાનો આનંદ માણી રહી છે અને ટૂંક સમયમાં તેની આગામી ફિલ્મનું શૂટિંગ ફરી શરૂ કરશે.